शुक्रवार, माघ १३ २०७९

गुल्मी मुसिकोटको पौदी अमराईमा नि:शुल्क आँखा चेकजाँच हुने

नागरिक अनलाइन

822

गुल्मी मुसिकोटको पौदी अमराईमा नि:शुल्क आँखा चेकजाँच हुने

कौरव खत्री/ गुल्मी,माघ १३।

गुल्मी मुसिकोटको पौदिअमराईमा निशुल्क आँखा चेकजाच हुने भएको छ । आउँदो माघ २१ गते शनिवारका दिन मुसिकोट नगरपालिका वडा नम्बर १ मा रहेको पौदिअमराई स्वास्थ्य चौकीमा निस्शुल्क आँखा चेकजाच हुन लागेको मुसिकोट नगरपालिका वडानम्बर १ का वडा अध्यक्ष मोहन घिमिरेले जानकारी दिनुभयो ।

मुसिकोट नगरपालिका वडा नम्बर ७ स्थित रहेको श्री कृष्णहरि रुद्रावती सापकोटा आँखा उपचार केन्द्रको आयोजना तथा पौदिअमराई स्वास्थ्य चौकी र मुसिकोट नगरपालिका वडा नम्बर १ पौदिअमराई वडा कार्यालयको सहजीकरणमा आँखाका बिरामीहरुको लागि निशुल्क चेकजाच गरिन लागिको वडाअध्यक्ष घिमिरेले बताउनुभयो ।

स्थानीय स्तरमा आँखाका बिरामी भए पनि आर्थिक लगायत अन्य समस्याले गर्दा नागरिकहरु सहज रुपमा स्वास्थ्य संस्थासम्म पुग्ने र आफ्ना समस्याहरुको निराकरण गर्ने बानी र परिस्थिति नभएकोले वडामै शिविर सञ्चालन गर्न लागिएको वडा अध्यक्ष घिमिरेले बताउनुभयो ।

साथै शिविरमा विशेष गरि मोतिया बिन्दु भएका आँखाका बिरामीहरुलाई लक्षित गर्दै शिविर सञ्चालन गर्न लागिएको हो । शिविरमा सेवा उपलब्ध हुने र धेरैभन्दा धेरै वडावासीहरुलाई सेवा लिन वडा अध्यक्ष घिमिरेले आग्रह गर्नुभयो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)