क्यालिफोर्निया अमेरिका ,माघ ११।

नेपाल अमेरिका एकता समाजमा नयाँ नेतृत्व चुनिएको छ । समाजका आजिवन सदस्य रोशन अधिकारीको नेतृत्वमा समाजमा नयाँ कार्यसमिति चुनिएको हो ।

दुई बर्षको कार्यकाल रहने समाजमा नयाँ कार्यसमिति चयन गर्नका लागि अग्नी चौलागाईको संयोजकत्वमा चन्द्र शिवाकोटी र डिल्ली थापा सदस्य रहेको निर्वाचन समिति बनाईएको थियो ।

निर्विरोध बनेको कार्यसमितिको उपाध्यक्ष पदमा अर्जुन पौडेल , महासचिव पदमा शम्शेर भण्डारी, सचिव पदमा शम्भु शिवाकोटी तथा सदस्यहरुमा बविन थापा, नवराज मुडभरी, विदुर खड्का, मणिराम न्यौपाने र छत्र बहादुर बिष्ट चुनिनुभएको हो ।

नयाँ नेतृत्व चुनिनु अघि समाजको साधारणसभा सम्पन्न भएको थियो । समाजका कार्यवाहक अध्यक्ष नविल पोखरेलको अध्यक्षतामा भएको साधारण सभामा महासचिव र कोषाध्यक्षको प्रतिवेदन पारित गरिएको थियो । तत्पश्चात बनेको कार्यसमितिलाई समाजका पूर्व अध्यक्षहरु शारदा श्रेष्ठ, सूर्य प्रसाई,चन्द्र शिवाकोटी, नविन पोखरेल, श्री पशुपतिनाथ फाउण्डेशनका अध्यक्ष रामेश्वर भण्डारी लगायतले धारणा राख्नुभएको थियो ।

नवनिर्वाचित अध्यक्ष अधिकारीले आफू यही समाजमा १४ वर्षदेखि रहँदै आएकाले काम गर्न पनि सहज हुने विश्वास राख्नुहुँदैं समाजमार्फत रचनात्मक र सकारात्मक कार्य गर्ने प्रतिवद्वता व्यक्त गर्नुभयो ।

नागरिक अनलाइन

लेखकबाट थप

• बुधवार, माघ ११ २०७९०९:०३:१५

• Tags:

  # नेपाल अमेरिका एकता समाज

• लोक तथा दोहोरी गीत प्रतिष्ठानद्वारा बुटवलमा देउसी भैलो कार्यक्रम हुँदै

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल