बुटवल,माघ ६ ।

जिल्ला प्रशासन कार्यालय रुपन्देहीले टाइम कार्ड लागू गरेको छ। प्रशासनले बिहानी समयमा सेवा लिन आउने सेवाग्राहीलाई रातो र दिउँसो आउनेलाई पहेँलो टाइम कार्ड उपलब्ध गराई सेवा दिन सुरु गरेको छ। 

नियमित सेवा लिन आउने सेवाग्राहीलाई दिइने सेवा प्रवाहलाई सहज, सरल, छिटोछरितो र झन्झटिलोरहित बनाउने उद्देश्यले टाइम कार्ड लागू गरेको हाे । नयाँ नागरिकता, नागरिकताको प्रतिलिपि, राष्ट्रिय परिचयपत्र र ई–पासपोर्ट वितरणमा सहजता ल्याउन टाइम कार्ड लागू गरेको प्रमुख जिल्ला अधिकारी भरतमणि पाण्डेले जानकारी दिनुभयो।

सेवाग्राहीले रीतपूर्वकको कागजातसहित निवेदन पेस गरेमा नागरिकता, राष्ट्रिय परिचयपत्र, ई–पासपोर्ट लिन प्रशासनमै कुरेर बस्नुपर्दैन। निवेदन दिएपछि टाइम कार्डमै यति समयपछि आउनु भनेर प्रशासनले समय तोकिदिने गरेको छ। तोकिएको समयमा आएर सेवाग्राहीले आफ्नो कागजात लिएर जान सक्ने व्यवस्था मिलाइएको छ। गर्भवती, अशक्त, ज्येष्ठ नागरिकलाई भने टाइम कार्ड लागू नहुने र तोकिएको कर्मचारीबाट तत्कालै सेवा पाउने व्यवस्था मिलाइएको छ। 

टाइम कार्डमा कुन कागजात बनाउन कति समय लाग्छ र कति समयपछि आउने भन्ने विवरण खुलाइएको हुन्छ। नागरिकताको प्रतिलिपि र राष्ट्रिय परिचयपत्र बनाउन प्रमाण पु(याएर आउने सेवाग्राहीलाई निवेदन पेस भएको एक घण्टाभित्र सेवा दिइसक्ने प्रशासनले जनाएको छ।

ई–पासपोर्टका हकमा भने पहिला नै फाराम भरी आएका सेवाग्राहीलाई सोही दिन तोकिएको समयमा सेवा दिने र ई–पासपोर्ट टोकन प्रणालीअनुसार सोही दिन वितरण हुने व्यवस्था मिलाएको प्रमुख जिल्ला अधिकारी पाण्डेले जानकारी दिनुभयो।   

नागरिक अनलाइन

लेखकबाट थप

• शुक्रवार, माघ ६ २०७९०६:३७:४९

• Tags:

  # जिल्ला प्रशासन कार्यालय रुपन्देही # टाइम कार्ड

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग