बुटवल पुस २२ ।

बुटवलको बेलबासमा आक्रमणबाट एक पुरुषको ज्यान गएको छ । बुटवल उपमहानगरपालिका वडा न १३ तारा टोलका यमप्रसाद नेपाललाइ घरमै बसिरहेको बेला ५-६ जनाको समूहले कुटपिट गर्दा ज्यान गएको हो ।

शुक्रबार साँझ ६ बजे स्थानीय प्रदीप पाण्डेको नेतृत्वमा आएका अमृत पराजुली,अनिल पराजुली,खेम पाण्डे,गायत्री पराजुली लगायतले कुटपिट गर्दा नेपालको मृत्यु भएको इलाका प्रहरी कार्यालय बुटवलका प्रमुख डीएसपी दानबहादुर थापाले बताए ।

डीएसपी थापाका अनुसार  कुटपिटको प्रतिकार गर्दा  ६० वर्षिय यमप्रसादका दुई छोराहरु दिवस र दीपेश घाइते भएका छन् । कुटपिटपछि नेपाललाई नजिकैको एडमण्ड सिटी अस्पताल पुर्‍याइएकोमा अस्पतालले मृत घोषणा गरेको थियो ।

छिमेकीबिचको सामान्य बिबादले ज्यान जानेसम्मको घटना घटेपछि परिवारजनले किटानी जाहेरी दिएकाहरुलाइ कारबाही हुनुपर्ने मृतक यमप्रसाद नेपालका कान्छा छाेरा दिपेशले नागरिक अनलाइनलाइ बताए ।

प्रहरीले ४ जनालाइ नियन्त्रणमा लिएर अनुसन्धान शुरु गरेको छ ।मृतक नेपालका एक श्रीमती नारायणी र छाेराहरु दिवस र दीपेश छन् ।

नागरिक अनलाइन

लेखकबाट थप

• शुक्रवार, पौष २२ २०७९१०:०४:०१

• Tags:

  # आक्रमण # यमप्रसाद नेपाल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा