बिहिवार, पौष १४ २०७९

सेवाग्राहीलाई पहिलो प्राथमिकतामा राखेर काम गर्नुपर्नेमा जोड

नागरिक अनलाइन

1.0K

सेवाग्राहीलाई पहिलो प्राथमिकतामा राखेर काम गर्नुपर्नेमा जोड

बुटवल,पुस १४।

सेवाग्राहीलाई पहिलो प्राथमिकतामा राखेर काम गर्नुपर्ने एक कार्यक्रममा सहभागीले जोड दिएका छन् ।

राष्ट्रिय एचआईभी तथा एड्स महासंघ नेपालद्वारा बुटवलमा भएको समुदायको नेतृत्वमा आधारित अनुगमनका सन्दर्भमा भएको छलफल तथा सेवा र फिडब्याक कार्यक्रममा बोल्ने बक्ताहरूले सेवामा सुधार गर्नुपर्ने बताए ।

कार्यक्रम बोल्दै स्वास्थ्य कार्यालय रूपन्देहीका प्रमुख गौरव ढकालले सेवाप्रवाहलाई समय सापेक्ष बनाउनुपर्ने बताए । नेपालमा जस्ले धेरै काम गर्छ उसैलाई बढि प्रश्न सोधिने गरेको उनको भनाई छ । सेवादिने उद्धेश्य नै भएकाले हातेमालो गरेर अघि बढ्ने बताए । मोडल तयार पारेर कार्ययोजना बनाउने उनको भनाइ छ ।

सो अबसरमा महासङ्घका लुम्बिनी संयोजक अर्जुन ज्ञवाली,जिल्ला फोकल पर्सन चिजा परियार,एचआईभी फोकल पर्सन हिमाल खनाल लगायतले बोलेका थिए । कार्यक्रममा बिकास साझेदार संघसंस्थाका प्रतिनिधि तथा रूपन्देहीका स्वास्थ्यकर्मीको सहभागीता रहेको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)