सोमवार, पौष ११ २०७९

स्थानीय तहमा सुशासनका लागि अभियान चलाउँदै मानव कल्याण मित्र मञ्च

नागरिक अनलाइन

1.3K

स्थानीय तहमा सुशासनका लागि अभियान चलाउँदै मानव कल्याण मित्र मञ्च

बुटवल,पुस ११ ।

मानव कल्याण मित्र मञ्च नेपालले भारतमा अलपत्र परेका २ हजार भन्दा बढी नेपालीको उद्धार गरेको छ । मित्र मञ्च नेपालका अध्यक्ष दुर्गाप्रसाद अर्यालले भारतमा हराएका वा अलपत्र परेका बालवालिका र महिला गरी २ हजार बढीको उद्वार गरिएको बताए ।

महिला, बालवालिका तथा शिक्षा, स्वास्थ्यको क्षेत्रमा काम गर्दै आएको मञ्चले जिल्लामा सुशासन कायम गर्नका लागि अभियान चलाउने पनि जनाएको छ । सामाजिक क्षेत्रमा काम गर्दै आएको मित्र मञ्च नेपालले भारतमा हराएका तथा अलपत्र परेका महिला र बालवालिकाको उद्वार गरी नेपाल ल्याएर आफन्तलाई बुझाउने गरेको छ ।

यहि बर्ष एक दर्जन बढी बालवालिकाहरु भारतबाट उद्वार गरी जनप्रतिनिधि र मिडियाको रोहबरमा आफन्तलाई बुझाइएको अध्यक्ष अर्यालले जानकारी गराए ।

त्यस्तै नेपालमा गरिबीका कारण विद्यालय जान नसकेका वालवालिका र उपचार गराउन नसकेका मानिसलाई सहयोग गर्दै आएको छ । ३० वर्षदेखि बालवालिका, महिला तथा शिक्षा, स्वास्थ्यको क्षेत्रमा काम गर्दै आएको मित्र मञ्च नेपालले अब नेपालमा सुशासन अभियान सञ्चालन गर्ने भएको छ ।

मञ्चले सोमबार बुटवलमा पत्रकार सम्मेलन गरी रुपन्देहीका स्थानीय तहहरुमा सुशासन कायम गर्नका लागि अभियान चलाउने बताएको छ । मित्र मञ्च नेपालका संरक्षक पुरुषोत्तम भट्टराईले देशमा राजनीतिक परिवर्तन भएपनि सुशासन कायम हुन नसकेकाले स्थानीय तहबाट सुशासन कायम गर्नका लागि शान्तिपूर्ण रुपमा दबाब दिन अभियान चलाउने बताए ।

अध्यक्षमा पुनः दुर्गाप्रसाद अर्याल निर्वाचित :

मानवीय सेवामा सर्मपित मानव कल्याण मित्र मञ्चको चौथौ साधारण सभा तथा दोस्रो अधिवेशन सम्पन्न भएको छ । साधारण सभा तथा अधिवेशनबाट अध्यक्षमा पुनःदुर्गाप्रसाद अर्याल निर्वाचित भएका छन् ।

मञ्चको उपाध्यक्षमा देवी अर्याल भट्टराई, देवीप्रसाद गौतम, महासचिव झविलाल अधिकारी, सचिव कविता पन्थी, सहसचिव तिर्थराज पौडेल, कोषाध्यक्ष शालिकराम गौतम, सह कोषाध्यक्ष प्रकाश भट्टराई चयन एका छन् ।

त्यस्तै सदस्यहरुमा विवेक खरेल, सुरजप्रसाद ज्ञवाली, शेषकान्त खरेल, निर्मल बस्याल र भगवती तिवारी घिमिरे हुनुहुन्छ । त्यस्तै पार्वती केसी संयोजक रहेको महिला समिति र टेकबहादुर थापा संयोजक रहेको सल्लाहाकार समिति गठन गरिएको छ ।

रुपन्देहीको तिलोत्तमा नगरपालिका २ मा केन्द्रीय कार्यालय रहेको मञ्चले सामाजिक क्षेत्रमा काम गर्नका लागि १ करोडको अक्ष्यकोष स्थापनाका लागि ३० लाख संकलन गरिएको अध्यक्ष दुर्गाप्रसाद अर्यालले जानकारी गराए ।

मानव कल्याण मित्र मञ्च नेपालले सरकारबाट कुनैपनि आर्थिक सहयोग नलिने मञ्चका संरक्षक पुरुषोत्तम भट्टराईले बताए ।उनले सामाजिक कामका लागि सधै तयार रहेको बताए । manab kalyad.jpg