काठमाडौँ, मङ्सिर २८ ।

गाउँपालिका राष्ट्रिय महासङ्घ नेपालको तेस्रो राष्ट्रिय महाधिवेशनबाट नवलपरासी (बर्दघाट सुस्तापूर्व)को हुप्सेकोट गाउँपालिका अध्यक्ष लक्ष्मीदेवी पाण्डे अध्यक्षमा निर्वाचित हुनुभएको छ । 

 उपाध्यक्षमा जुम्लाको हिमा गाउँपालिका अध्यक्ष लक्ष्मणबहादुर शाही, महासचिवमा स्याङ्जाको कालीगण्डकी गाउँपालिका अध्यक्ष खिमबहादुर थापा निर्वाचित हुनुभएको छ । त्यस्तै सचिवमा सिन्धुलीको फिक्कल गाउँपालिका अध्यक्ष पार्वती सुनुवार र कोषाध्यक्षमा डडेल्धुराको अजयमेरु गाउँपालिका अध्यक्ष उमेश भट्ट निर्वाचित हुनुभएको गाउँपालिका राष्ट्रिय महासङ्घ नेपालले जनाएको छ ।

महाधिवेशनले पाँच जना पदाधिकारी र ३१ जना सदस्य गरी ३६ जनाको नयाँ कार्यसमिति चयन गरेको हो । आइतबारदेखि सुरु भएको महाधिवेशन मङ्गलबार सम्पन्न भएको गाउँपालिका राष्ट्रिय महासङ्घ नेपाल तेस्रो महाधिवेशका प्रमुख निर्वाचन अधिकृत प्रेमप्रसाद धितालले जानकारी दिनुभयो । 

महासङ्घले स्थानीय तहका विभिन्न विषयमा प्रदेश र सङ्घीय सरकारसँग आवश्यक समन्वय, सहजीकरण गर्दै आएको छ । साथै राष्ट्रिय मुद्दाहरूमा स्थानीय तहले गर्नुपर्ने कार्यका बारेमा सबै स्थानीय तहसँग सहकार्य गर्ने गरेको छ । २०४९ सालमा पहिलो पटक गाउँ विकास समिति महासङ्घका रूपमा गठन भएको थियो ।  

नागरिक अनलाइन

लेखकबाट थप

• बुधवार, मंसिर २८ २०७९०९:०१:०४

• Tags:

  # लक्ष्मीदेवी पाण्डे # गाउँपालिका राष्ट्रिय महासङ्घ नेपाल

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?