काठमाडौं,मंसिर २७ । 

गृहमन्त्री बालकृष्ण खाणले जाजरकोटको छेडागाड नगरपालिका ५ खातिजेवामा सोमबार दिउँसो भएको दुर्घटनाबारे जानकारी लिनुभएको छ ।

गृह प्रशासन, जाजरकोटका प्रमुख जिल्ला अधिकारी, जिल्ला प्रहरी प्रमुख डिएसपी सन्तोष निरौलासंग घटनाबारे जानकारी लिदै मृतकहरूको शव आफन्तहरूसम्म पुर्‍याउन सहजीकरण गरिदिन निर्देशन दिनुभयो । 
गृहमन्त्री खाणले गृह प्रशासनलाई पहाडी सडकमा पटक-पटक हुने यस्ता दुर्घटना कसरी न्युनिकरण गर्ने भन्नेमा ध्यान दिन पनि निर्देशन दिनुभएको छ ।

जिल्लाको सुरक्षा निकायलाई दुर्घटना न्यूनीकरण गर्नेबारेमा ध्यान दिन गृहमन्त्रीले भन्नुभएको छ ।

दुर्घटनामा जिपमा रहेका गाडी चालकसहितका १२ जनाको निधन भएको डिएसपी निरौलाले जानकारी दिनुभयो । ९ जनाको घटनास्थलमै र तीन जनाको उपचारका लागि लैजादै गर्दा र अस्पतालमा निधन भएको निरौलाले बताउनुभयो । 
सोमबार दिउँसो करिब ४ बजे कर्णाली प्रदेश ०२–०० १ च ०४२९ नम्बरको बोलेरो जीप मध्यपहाडी सडकखण्ड अन्तरर्गत छेडागाड नगरपालिका वडा न ४ र ५ को बीचमा पर्ने भिरपाटीमा आफैँ अनियन्त्रित भई २०० मिटर तल खसेको प्रहरीले जनाएको छ ।

नागरिक अनलाइन

लेखकबाट थप

• मंगलवार, मंसिर २७ २०७९०७:१६:४३

• Tags:

  # गृहमन्त्री खाँण # जाजरकोट जीप दुर्घटना

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग