बुटवल,मंसिर १७ ।

बुटवल कालिका क्याम्पस दश बर्षमा प्रवेश गरेको छ । क्याम्पसले नवाैँ वार्षिकोत्सव विविध कार्यक्रम गरी मनाउने जनाएको छ । क्याम्पसले  मंसिर १८देखि २४ गतेसम्म विविध कार्यक्रम गर्नेछ । बिस २०७० सालमा बीबीएस कार्यक्रम सम्बन्धन लिएर क्याम्पस स्थापना भएको थियो ।

शनिबार पत्रकार सम्मेलन गरेर वार्षिकोत्सवको महत्वपूर्ण कार्यक्रम भवन शिलान्यास रहेको क्याम्पस प्रमुख घनश्याम पाठकले बताए ।

क्याम्पस भवन ६ करोड बजेटमा बनेको र साेही  भवन उद्घाटन गरिने पाठकले बताए । यस्तै २४ गते प्रदेशका शिक्षामन्त्री वसिउद्दिन खांको प्रमुख आतिथयतामा वार्षिकोत्सव समापन हुने उनले बताए ।

त्यसअघि १८ गतेदेखि २२ गतेसम्म विभिन्न खेलकुद, निशुल्क आंखा जांच र दन्त परीक्षण शिविर, रक्तदान लगायतका रचनात्मक कार्यक्रमहरु गरिने क्याम्पस प्रमुख पाठकले जानकारी गराए ।

वार्षिकोत्सवका अवसरमा कर्मचारीहरुलाई सम्मान गर्ने कार्यक्रम समेत रहेको उनले बताए । ३५ जना विद्यार्थीबाट शुरु भएको क्याम्पसमा अहिले २ हजार ८३८ जना विद्यार्थी अध्ययनरत छन् ।

नागरिक अनलाइन

लेखकबाट थप

• शनिवार, मंसिर १७ २०७९०८:१३:३७

• Tags:

  # बुटवल कालिका क्याम्पस

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग