गुल्मी, कात्तिक २९ ।

गुल्मीको इस्मा गाउँपालिकामा एक वृद्धा मृत अवस्थामा फेला पर्नु भएको छ । इस्मा गाउँपालिका ५ दरिङढुंगा निवासी ७४ वर्षीय जीवाकला थापा गए राती आफ्नै घरमा मृत अबस्थामा फेला परेको जिल्ला प्रहरी कार्यालय गुल्मीले जनाएको छ ।मंगलबार बिहान घटनाको जानकारी पाएपछि जिल्ला प्रहरी कार्यालय गुल्मीबाट प्रहरी नायव उपरिक्षक रामेश्वर पौडेलको नेतृत्वमा प्रहरी टोली घटना स्थलमा पुगेको थियो ।

घरमा एक्लै रहेकी बृद्धा ढोका बाहिरबाट चाँपि लगाएको अबस्थामा घरभित्रै मृत अबस्थामा फेला परेको प्रहरीले जनाएको छ । मृतक वृद्धाको कान र नाकमा लगाएको गहना समेत नभएको हुँदा उहाँको कसैले हत्या गरेको हुनसक्ने आशंका प्रहरीले गरेको छ ।

वृद्धाको शवलाई आजै गुल्मी अस्पताल तम्घास ल्याई पोष्टमार्टम गरि उहाँका आफन्तहरुलाई जिम्मा लगाई सकिएको जिल्ला प्रहरी कार्यालय गुल्मीका प्रहरी नायव उपरिक्षक माधवराज खरेलले जानकारी दिनु भएको छ ।

घटनाको प्रकृति हेर्दा थापाको मृत्यु स्वाभाविक नभई कसैले हत्या गरेको हुन सक्ने भन्दै घटनाको बारेमा थप अनुषन्धान भैहरेको खरेलले बताउनु भयो ।

नागरिक अनलाइन

लेखकबाट थप

• मंगलवार, कार्तिक २९ २०७९०४:२८:५६

• Tags:

  # वृद्धाको हत्या

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?