मंगलवार, कार्तिक ८ २०७९

अर्घाखाँचीमा अवैध पटका बरामद

नागरिक अनलाइन

1.1K

अर्घाखाँची,कात्तिक ८ ।

महेन्द्र राजमार्ग अन्तर्गत अर्घाखाँचीको शितगंगा नगरपालिकाको सातमारामा प्रहरीले २० प्याकेट पटका बरामद गरेको छ ।

प्रहरी चौकी सातमाराबाट प्रहरी नायक निरीक्षक सूर्य बहादुर पन्थीको कमाण्डमा खटिएको प्रहरी टोलीले सितगंगा नगरपालिका वडा नम्बर ८ स्थित महेन्द्र राजमार्गमा विभिन्न सवारी साधनहरु चेकजाँच गर्दा पटका बरामद भएको जिल्ला प्रहरी कार्यालय अर्घाखाँचीका प्रहरी प्रमुख डिएसपी मुकुन्द रिजालले बताउनुभयो ।

कृष्णनगर बाट घोराही तर्फ जादै गरेको बसबाट अबैध रुपमा लुकाइ छिपाई लिइएको विभिन्न किसिमका २० प्याकेट पटकाहरु बरामद नष्ट गरिएको प्रहरीको भनाइ छ।

दिपावलीको समयमा पटका पड्काउँदा हुन सक्ने , आगलागीका घटनाहरू भई जनधनको क्षति हुनुका साथै भौतिक तथा मानवीय क्षति भइ शान्ति सुरक्षामा असर पर्ने भएकोले यस्ता कार्य नगर्न नगराउनु हुन प्रहरीले सबैमा अनुरोध गरेको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)