बुटवल,कात्तिक २ ।

नेकपा एमालेका उपाध्यक्ष तथा पूर्वमन्त्री विष्णु पौडेलले एमालेबाट मात्रै देशको विकास र समृद्धि सम्भव भएको बताएका छन् । नेपाल राष्ट्रिय भूतपूर्व सैनिक तथा प्रहरी संगठन क्षेत्र २ रुपन्देहीको भेलालाई बुधवार संवोधन गर्दै नेता पौडेलले विकासका मुद्दामा कसैले राजनीति गर्न नहुने बताए । 

‘सडक,सिंचाई,शिक्षा, स्वास्थ्य र पूर्वाधारदेखि रोजगारीलाई समेत ध्यानमा राखेर एमालेले गरेको काम जनताले देखेका छन्, एमालेको जीतलाई कसैले रोक्न सक्दैन,’ उनले भने ।

पौडेलले लुम्बिनीलाई केन्द्रमा राखेर समग्र रुपन्देही र आसपासका क्षेत्रलाई विकासको रोलमोडल बनाउने गरी ड्रिम प्रोजेक्ट अगाडि सारेको उल्लेख गर्दै ती प्रोजेक्टहरू अहिले कार्यान्वयन हुने चरणमा पुगेको बताए ।

उनले विकास र शान्ति मूल एजेण्डा रहेको बताए । उनले एमालेका सरकारले अघि सारेका योजनालाई सार्थक रुप दिन आगामी निर्वाचनमा एमालेले फराकिलो मतान्तरले जितेर एमालेको सरकार बनाउनुपर्नेमा जोड दिए ।

रुपन्देही क्षेत्र नं. २ का प्रतिनिधिसभा सदस्य पदका उम्मेदवार समेत रहेका उपाध्यक्ष पौडेलले देशभर एमालेको लहर चलेको मंसिर ४ को निर्वाचनमा एमालेको बहुमत आउने दाबी गरे । 

नागरिक अनलाइन

लेखकबाट थप

• बुधवार, कार्तिक २ २०७९०६:४२:४३

• Tags:

  # उपाध्यक्ष विष्णु पौडेल # विष्णु पौडेल # रुपन्देही क्षेत्र नं. २

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा