बुटवल,कार्तिक २।

विभिन्न पार्टी परित्याग गरी १७६ जना एमाले प्रवेश गरेका छन् । बुटवल–११, हात्तीसुँढका अगुवा नेताहरुसहित एमाले प्रवेश गरेकाहरुलाई पार्टी उपाध्यक्ष विष्णु पौडेलले स्वागत गरे ।

नेकपा माओवादी केन्द्रका नेताद्वय राजु शाही र विशाल राना, नेकपा एकीकृत समाजवादी निकट महिला संघकी बुटवल नगर सचिव राधादेवी अधिकारीजनता समाजवादी पार्टीका नेता सुनिल न्यौपाने, जसपा बुटवल–११ का वडासचिव प्रविनकुमार काफ्लेलगायत एमाले प्रवेश गरेका हुन् ।

त्यस अवसरमा बोल्दै उपाध्यक्ष पौडेलले विकास र समृद्धिको एजेण्डा बोक्ने पार्टी एमाले मात्रै भएकाले विवेक पु¥याएर मतदान गर्न आग्रह गरे । रुपन्देही क्षेत्र नम्बर २ का प्रतिनिधिसभाका उम्मेदवार पौडेलले अधुरा आयोजना पूरा गर्न र रुपन्देहीलाई देशकै रोलमोडलको रुपमा विकास गर्नका लागि आफूले अगुवाई गर्ने बताए ।

एमाले पोलिटब्यूरो सदस्य एवं रुपन्देही क्षेत्र नम्बर २ प्रदेशसभा १ का उम्मेदवार लिला गिरीले लुम्बिनी प्रदेशको मुहार फेर्नका आफूले उम्मेदवारी दिएको भन्दै एमाले, जसपा र राप्रपाबीचको सहकार्यले आगामी चुनावमा सत्तरुढ गठबन्धन परास्त हुने बताए ।

नागरिक अनलाइन

लेखकबाट थप

• बुधवार, कार्तिक २ २०७९०९:५३:२३

• Tags:

  # विष्णु पौडेल # एमाले प्रवेश

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान