बुटवल,असाेज २६ ।

रुपन्देही निर्वाचन क्षेत्र नम्बर ३ प्रतिनिधिसभामा नेकपा माओवादी केन्द्रबाट मनोनयन दर्ता गराएका इम्दाद हुँसेन खाँले उम्मेदवारी फिर्ता लिएका छन् ।

उक्त निर्वाचन क्षेत्रमा सत्तारुढ गठबन्धनबाट गृहमन्त्रीसमेत रहेका कांग्रेस नेता बालकृष्ण खाँण आधिकारिक उम्मेदवार थिए ।

माओवादी केन्द्रका अध्यक्ष पुष्पकमल दाहालले खाँलाई उम्मेदवारी फिर्ता लिन निर्देशन दिएको बताइएको छ । उम्मेदवारी फिर्ता लिएपछि उनले सत्तारुढ गठबन्धन एकजुट भएर जाने बताएका छन् ।

रुपन्देही ३ प्रदेशसभा कमा पनि माओवादी केन्द्रका नेताले गठबन्धनको सहमतिविपरीत उम्मेदवारी दिएका थिए । त्यसरी उम्मेदवारी दिने फैज अहमद खाँले पनि उम्मेदावारी फिर्ता लिएका छन् ।

सत्तारुढ गठबन्धनले रुपन्देही क्षेत्र नम्बर ३ प्रदेशसभा १मा लोकतान्त्रिक समाजवादी पार्टीका सन्तोष पाण्डे र रुपन्देही क्षेत्र नम्बर ३ प्रदेशसभा २मा नेपाली कांग्रेसका रामचन्द्र ढकाललाई उम्मेदवार बनाउने निर्णय गरेको थियो ।

नागरिक अनलाइन

लेखकबाट थप

• बुधवार, आश्विन २६ २०७९०७:१३:३१

• Tags:

  # उम्मेदवारी फिर्ता # रूपन्देही ३

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...