बुटवल,असोज २५ ।

मंसिर ४ मा हुने प्रतिनिधिसभा र प्रदेशसभाको निर्वाचनमा ६ हजारभन्दा बढी उम्मेदवार चुनावी मैदानमा छन् ।

प्रतिनिधिसभाको १ सय ६५ सिटका लागि २ हजार ४ सय ९४ र प्रदेशसभाका ३ सय ३० सिटका लागि ३ हजार ४ सय २३ जनाले उम्मेदवारी दिएको विवरण निर्वाचन आयोगमा अबेरसम्म अद्यावधिक भएको छ । प्रतिनिधिसभा सदस्यका लागि उम्मेदवारी दिएकामध्ये पुरुष २ हजार २ सय ६१ र महिला २ सय ३३ जना छन् ।

प्रदेशसभामा पुरुष ३ हजार १ सय २७, महिला २ सय ९५ र तेस्रो लिंगी १ जनाले उम्मेदवारी दिएका छन् । उम्मेदवारी दिनेमा दलअनुसार राप्रपाले सबैभन्दा बढी उम्मेदवार उठाएको छ ।

प्रतिनिधिसभा राप्रपाले १ सय ४१, एमालेले १ सय ३९ र राष्ट्रिय स्वतन्त्र पार्टीले १ सय ३१ जना उम्मेदवार उठाएको छ । माओवादीले ४५, कांग्रेसले ९१, एकीकृत समाजवादीले २४, लोकतान्त्रिक समाजवादीले ५२, जनता समाजवादीले ८० क्षेत्रमा उम्मेदवार उठाएको छ ।

त्यस्तै प्रदेशसभामा स्वतन्त्र उम्मेदवारी दिने १ हजार २ सय ५२ जना छन् । दलगत रूपमा हेर्ने हो भने ३ सय ३० सिटका लागि एमालेको २ सय ७८, राप्रपाले २ सय ६७, कांग्रेसले १ सय ८४, जसपाले १ सय ४३, माओवादीले १ सय १२, लोसपाले ७६ उम्मेदवार दिएको छ ।

• रुपन्देहीमा सत्ता गठबन्धनबाट काे-काे भए उम्मेदवार ? (नामावलीसहित)

नागरिक अनलाइन

लेखकबाट थप

• सोमवार, आश्विन २४ २०७९१०:४९:२२

• Tags:

  # चुनावी मैदान # उम्मेदवार

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...