बुटवल,असाेज १६ ।

कैलालीको धनगढीमा सम्पन्न ‘सुदूरपश्चिम राजधानी कप राष्ट्रिय फुटबल प्रतियोगिता’को उपाधि लुम्बिनी प्रदेशले हात पार्न सफल भएको छ । शनिबार साँझ धनगढी रङ्गशालामा भएको फाइनल खेलमा लुम्बिनी प्रदेशले कर्णाली प्रदेशलाई सडनडेथमा पराजित गर्दै उपाधि जितेको हो ।

लुम्बिनीले कर्णालीलाई सडनडेथमा १०–९ गोलले पराजित गरेको छ। यसअघि निर्धारित समयमा दुवै टोलीले आत्मघाती गोल गर्दै एक–एकको बराबरी खेलेका थिए ।

उपाधि हात पारेसँगै लुम्बिनी प्रदेशले पाँच लाखसहित ट्रफी, मेडल प्राप्त गरेको छ भने उपविजेता कर्णाली प्रदेशले तीन लाखसहित ट्रफी, मेडल प्राप्त गरेको छ । प्रतियोगितामा लुम्बिनी प्रदेशका फागुराम चौधरीले उत्कृष्ट खेलाडी घोषित भए अनुसार २० हजार प्राप्त गरेका छन् ।

यस्तै उत्कृष्ट गोल रक्षक लुम्बिनी प्रदेशका चेतन थारू, उत्कृष्ट गोलरक्षक कर्णाली प्रदेशका सुदीप शाही ठकुरी, उत्कृष्ट प्रशिक्षक कर्णाली प्रदेशका चन्द्रप्रकाश शाही उत्कृष्ट मिडफिल्डर कर्णाली प्रदेशका भुपेन्द्र शाही घोषित भए । उनीहरूले जनही १०–१० हजार प्राप्त गरेका छन् ।

पिएफए स्पोर्टस क्लब अत्तरियाको आयोजनामा भएको प्रतियोगितामा देशका पाँच टिमले प्रतिस्पर्धा गरेका थिए ।

नागरिक अनलाइन

लेखकबाट थप

• आइतवार, आश्विन १६ २०७९०४:४९:३७

• Tags:

  # राष्ट्रिय फुटबल प्रतियोगिता # लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा