बुटवल,असाेज ६ ।

लुम्बिनी प्रदेशमा अझै २ महिनासम्म डेंगु रोगको प्रकोप रहने प्रदेशको स्वास्थ्य मन्त्रालयले जनाएको छ । आज बुटवलमा मन्त्रालयले डेंगी रोग प्रकोपको लुम्बिनी प्रदेशको अवस्था र नियन्त्रण तथा रोकथामका सम्बन्धमा पत्रकारहरूसँग अन्तरक्रिया गर्दै असोज र कार्तिक महिनासम्म डेंगुको प्रकोप देखिने जनाएको हो ।

मन्त्रालयका सचिब डा.विकास देवकोटाले सन २०१९, २० र २१ को स्थीतिमा पनि असोज र कार्तिक महिनासम्म डेंगुको प्रकोप रहेकाले यस वर्ष पनि थप २ महिना सचेत रहन आग्रह गर्नु भयो । अहिले संक्रमणको दर केही घटे पनि  डेंगुको प्रकोप रहने भएकाले डेंगु रोगबाट बच्ने उपाय भनेकै लामखुट्टेको टोकाईबाट बच्नु रहेको बताउनु भयो । मन्त्रालयले महामारी रोग नियन्त्रणको लागि  केही अमुर्त रकम विनियोजन गरेको छ र स्वास्थ कार्यालयबाट  खर्च हुँदै आएको डा. देवकोटाले जानकारी दिनु भयो ।

प्रदेशका स्वास्थ्य मन्त्री ईन्द्रजित थारूले डेंगु रोग नियन्त्रणमा सबै नागरिकको दायित्व रहेको बताउँदै उपचारमा औषधीको कमी आउन नदिने बताउनु भयो । डेंगु नियन्त्रणको लागि सामुदायिक स्तरमा नै खोज र नष्ट गरसँगै जनचेतना कायक्रम सञ्चालन गरिएको जानकारी दिनु भयो ।

मन्त्रालयका प्रवक्ता डा.पुष्पराज पौडेलले यो वर्ष अहिलेसम्म २ हजार ७०८ जना डेंगु संक्रमित रहेको बताउँदै  दाङमा १ हजार १८० , रूपन्देहीमा ७०० , अर्घाखाँची १३८ , गुल्मीमा २९२, पाल्पामा ९८,  नवलपरासी पश्चिममा ६२, बाकेमा ४४ , कपिलवस्तुमा ४९ ,बर्दियामा ८६, प्युठानमा ३६, रूकुम पुर्वमा १६,  रोल्पामा ७ , प्यठानमा ३६  जना संत्रमित भएका छन । अहिले दैनिक रुपमा  ४० जना नयाँ  संक्रमित थपिदै गएको र १३ जना प्रदेशका विभिन्न अस्पतालमा उपचार भईरहेको उहाँले जानकारी दिनु भयो । पछिल्लो दिनमा संक्रमितको संख्या घट्दै गएको प्रवक्ता पौडेलले बताउनु भयो ।

स्वास्थ कार्यलय रूपन्देहीका प्रमुख  गौरब ढकालले डेंगु नियन्त्रणको लागि पालिकाहरुको सहयोगमा लामखुट्टेको लार्भा खोज र नष्ट गर अभियान , घरदैलो कार्यक्रम , फगिन ,चुनाबाट नष्ट गर्ने , विद्यालयमा  स्वास्थ शिक्षा कार्यक्रम सञ्चालन गरिएको जानकारी दिनु भयो । 

नागरिक अनलाइन

लेखकबाट थप

• बिहिवार, आश्विन ६ २०७९०६:५५:३६

• Tags:

  # डेंगु संक्रमित # लुम्बिनी प्रदेश सरकार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा