बुधवार, आश्विन ५ २०७९

बुटवलको ओदान लाउन्जमा ३ दिने ‘ओदान दशैं फेस्ट’ हुँदै

नागरिक अनलाइन

1.4K

बुटवलको ओदान लाउन्जमा ३ दिने ‘ओदान दशैं फेस्ट’ हुँदै

बुटवल,असाेज ५ ।

बुटवल राजमार्ग चौराहमा रहेको ओदान लाउन्ज बार एण्ड रेष्टुरेन्टले दशैंको अवसरमा ३ दिन ओदान दशैं फेस्ट आयोजना गर्ने भएको छ ।

३ दिन सम्म विभिन्न हस्तकला, टाटु तथा अन्य खानाका परिकार सहितको स्टल, लाईभ म्युजिक सहितको कार्यक्रम गर्न लागिएको सञ्चालक राजन थापाले जानकारी दिए । निःशुल्क प्रवेशको व्यवस्थापन मिलाईएको फेष्टिभलमा खानाका विभिन्न परिकारमा समेत विशेष छुटको व्यवस्था गरिएको छ ।

असाेज महिनाको ७, ८, ९ गते आयोजना हुने मेलामा विभिन्न १२ वटा स्टलहरु रहने छन् । जसमा फुड तथा अन्य हस्तकाला, गिफ्ट, टाटु तथा अन्य उपहकारका स्टलहरु रहने जनाइएको छ ।

खानाका परिकारमा नेपाली, चाईनीज, ईटालियन, कन्टीटेन्टल खानाका विशेष परिकार सहित लाईभ म्युजिक र डान्सको समेत व्यवस्था गर्न लागिएको सञ्चालक थापाले जानकारी दिए ।

उनका अनुसार उक्त तिन दिने मेलामा बसन्त श्रेष्ठको व्याण्ड, नाद ब्याण्ड, प्रतिक्षा एण्ड टिमको विशेष प्रस्तुती समेत रहने छ । विहान देखि नै स्टल ओपन हुने मेलामा साझ ३ बजे पश्चात सांगीतिक कार्यक्रमको विशेष रौनकता रहने आयोजकले जनाएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)