बुटवल,भदौ २८ ।

बाल दिवसको पुर्वसन्ध्यामा कामना सेवा विकास बैंकले शान्ति नमुना माध्यमिक विद्यालयमा शौक्षिक सामग्री बितरण गरेको छ । बालवालिकासँग कामना सेवा विकास बैंक भन्ने मुल नाराका साथ तिलोत्तमा५, मणिग्राम स्थित  शान्ति नमुनाका कक्षा ३ मा अध्ययनरत बालबालीकासँग केक काटी खुसि साटासाट गर्दै शौक्षिक सामग्री हस्तान्तरण गरेको हाे।

बैँकको प्रादेशिक कार्यालय बुटवलद्वारा आयोजित बैंकको सामाजिक उत्तरदायित्व अन्तर्गतको कार्यक्रममा बैकंका प्रदेश प्रमुख मोहन दत्त खनालको अध्यक्षता एवम विद्यालयका प्रधानाध्यापक कुल प्रसाद लामिछानेको प्रमुख आतिथ्यता रहेको थियो । 

कार्यक्रममा प्रमुख अतिथी लामिछानेले कामना सेवा बिकास बैंकले विद्यार्थी लक्षित कार्यक्रमको आयोजना गरेकोमा धन्यवाद ज्ञापन गर्नुभएको थियो । साथै उहाँले सामाजिक सेवा मानव सेवा रहेको बताउदै यस्ता नबिनतम कार्यमा बैंकले निरन्तरता दिन आग्रह गर्नुभएको थियो ।   

बैंकले देशका विभिन्न भागमा छरिएर रहेका १३५ वटा शाखाहरुबाट यस्ता सामाजिक कार्यहरु गर्दै आइरहेको र आगामी दिनहरुमा समेत यसलाई अझै फराकिलो र प्रभावकारी बनाउँदै लगिने कुरा प्रदेश प्रमुख एव कार्यक्रमका अध्यक्ष मोहन दत्त खनालले प्रस्ट पार्नुभएको थियो।

कोटिहवा क्लस्टरका प्रमुख रवी पौडेलको स्वागत मन्तव्य संगै सुरु भएको कार्यक्रममा कार्यक्रमको सञ्चालन बुटवल क्लस्टर प्रमुख सुन्दर प्रसाद घिमिरेले गर्नुभएको थियो ।

 कार्यक्रममा बैंकका कर्मचारी, विद्यालयका कर्मचारी र विद्यार्थीको उपस्थिति रहेको थियो । १६० जना विद्यार्थीका लागि कपि , पेन एवम अन्य स्टेसनरी सामग्री बितरण गरिएको बैँकका तारा कार्कीले बताउनुभयो ।

नागरिक अनलाइन

लेखकबाट थप

• मंगलवार, भाद्र २८ २०७९१०:००:५८

• Tags:

  # शैक्षिक सामग्री # कामना सेवा बैंक

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान