बुटवल, भदौ २७।

नेपाली कांग्रेसका सहमहामन्त्री किशोर सिंह राठौरले मुलुक र संविधानको रक्षाका लागि पाँचदलीय गठबन्धन गरिएको बताएका छन् ।

सोमबार नेपाल महिला संघले लुम्बिनी प्रदेशभित्रका महिला संघका जिल्ला समितिका पदाधिकारी तथा सदस्यका लागि बुटवलमा आयोजना गरेको प्रशिक्षण कार्यक्रमलाई सम्बोधन गर्दै सहमहामन्त्री राठौरले देश बचाउनका लागि गठबन्धन गरिएको बताएका हुन् ।

कम्युनिस्टहरूलाई विकास र लोकतन्त्रप्रति प्रतिबद्ध बनाउनका लागि गठबन्धन गरिएको बताउँदै उनले भने, ‘यो गठबन्धन कुनै दल विशेषलाई बचाउन र जोगाउनका लागि गरिएको होइन, देश दुर्घटनामा जान लागेपछि गरिएको हो । त्यसैले यसलाई सबैले स्वीकार्दै गठबन्धनलाई विजयी बनाउनु आवश्यक छ ’

उनले आम निर्वाचन तथा स्थानीय निर्वाचनमा समेत महिलाहरूलाई कांग्रेसले प्राथमिकताका साथ टिकट दिएको बताउँदै उनले पाएको अवसरलाई सही सदुपयोग गरी निर्वाचन जित्न आग्रहसमेत गरे । उनले भने, ‘नेपाली कांग्रेसले महिलाहरूको सहभागितामा निकै सकारात्मक कदमहरू चाल्ने गरेको छ । टिकट पाउनेभन्दा पनि चुनाव जित्ने र जिताउने काममा महिला संघ र महिलाहरू विशेष जागरूकताका साथ लाग्नुहोस् ।’

प्रशिक्षण कार्यक्रम नेपाली कांग्रेस केन्द्रीय सदस्य तथा महिला संघकी पूर्व अध्यक्ष ईश्वरी न्यौपानेले पार्टीको निर्णायक तहमा महिला नहुँदा समस्या आएको बताउँदै अब महिलाहरूलाई निणार्यक तहमा पुर्‍याउन आवश्यक रहेकोमा जोड दिइन् । यसअघि महिलाहरूलाई समानुपातिकमा मात्रै प्रयोग गरिएकोमा योपटक धेरै महिलालाई प्रत्यक्षमा र समानुपातिकमा पुरुषलाई अवसर दिनुपर्नेमा जोड दिइन् ।

कार्यक्रममा नेपाली कांग्रेसका केन्द्रीय सदस्य रुपा बिक, गंगा शाही,पार्टीका लुम्बिनी प्रदेश सहमहामन्त्री निमा गिरि,महिला संघ केन्द्र सदस्य उषा राउत मिश्र, नेपाली कांग्रेस प्रदेश संसदीय दलका सचेतक निर्मला क्षेत्री,पत्रकार अनिता बिन्दुलगायतले महिलालाई टिकट वितरणमा प्राथमिकतामा राख्न आग्रह गरेका थिए । उनीहरूले महिला सिफारिस भएको क्षेत्रमा महिलाहरूलाई प्राथमिकतामा राखेर गठबन्धनमा सिट मिलाउन आग्रह गरे ।

नागरिक अनलाइन

लेखकबाट थप

• सोमवार, भाद्र २७ २०७९१०:०४:०३

• Tags:

  # किशोर सिंह राठौर # काँग्रेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा