बुटवल, कार्तिक १९-  

प्रधानमन्त्री केपी शर्मा ओलीले सरकारको स्थिरतामा आशंका नगर्न आग्रह गरेका छन् । व्यक्तिगत रहरभन्दा पनि देशको आवश्यकता र जनताको समर्थनका कारण आफू प्रधानमन्त्री निर्वाचित भएको उनले बताए । 

बुधवार त्रिवि शिक्षण अस्पताल परिसरमा निर्मित एक भवनको उद्घाटन गर्दै ओलीले आफूले राजीनामा गरेर देशलाई वर्वादीतर्फ जान नदिने उल्लेख गरेका हुन् ।

‘म यस ठाउँमा आएको मेरो रहरले होइन जनताको आवश्यकता र समर्थनले हो । यहाँ पुर्‍याएको जालझेल र तिकडमबाट होइन व्यापक जनसमर्थनबाट हो । तपाईंहरू ढुक्क हुनुस्, सरकार यस्तो हुन्छ, कि फेरिन्छ कि, बदलिन्छ कि ? भनेर नसोच्नुस्,’ ओलीले भने । 

पार्टीभित्र आफूलाई घेराबन्दीमा पारिएको समयमा ओलीको यस्तो अभिव्यक्ति आएको हो ।‘तपाईंहरू विचार गर्नुस्, के अहिले मैले राजीनामा गर्न हुन्छ ? राजीनामा दिन मिल्छ ? मेरो लागि होइन देशको लागि । मैले राजीनामा दिनु भनेको देशलाई वर्वादीतर्फ जान दिनु हो, त्यसकारण म राजीनामा दिनेवाला छैन,’ ओलीले भने । 

नागरिक अनलाइन

लेखकबाट थप

• बुधवार, कार्तिक १९ २०७७०२:५०:३२

• Tags:

  # प्रधानमन्त्री केपी ओली # राजीनामा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा