बिहिवार, भाद्र २ २०७९

टीपी भुसाललाई ‘टान पत्रकारिता पुरस्कार-२०२२’ प्रदान

नागरिक अनलाइन

1.2K

टीपी भुसाललाई ‘टान पत्रकारिता पुरस्कार-२०२२’ प्रदान

काठमाडौं,भदाै २ ।

पत्रकार टीपी भुसाल ‘टान पत्रकारिता पुरस्कार २०२२’ बाट सम्मानित भएका छन् । पत्रकारितामार्फत पर्यटन क्षेत्रको प्रवद्र्धनमा टेवा पुर्‍याएको भन्दै ट्रेकिङ एजेन्सिज् एसोसिएसन अफ नेपाल (टान) ले भुसाललाई उक्त अवार्डबाट सम्मान गरेको हो ।

काठमाण्डौंमा आयोजित टानको ४२ औं,४३ औं र ४४ औं वार्षिक साधारणसभाको अवसरमा संस्कृति पर्यटन तथा नागरिक उडड्यन मन्त्री जीवनराम श्रेष्ठले पत्रकार भुसाललाई उक्त अर्वाड प्रदान गर्नु भएको थियो ।

नेपाली रेडियो नेटवर्क मार्फत भुसालले खासगरी कोभिड–१९ पछि नेपाली पर्यटन क्षेत्रले भोग्नु परेका विविध समस्या तथा पर्यटनका अन्य विषयमा सरोकारवालासँग निरन्तर सम्वाद गर्दै आएका थिए ।

नेपाल पर्यटन बोर्डका सञ्चार परामर्शदाता तथा विभिन्न कलेजमा प्राध्यापन समेत गर्दै आएका भुसालले नेपालको समग्र पर्यटन उद्योग तथा पर्यटन क्षेत्रको नीतिगत विषयमा निरन्तर कलम चलाउँदै आएका छन् ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)