बुटवल,साउन २७ ।

निर्वाचनको मिति नजिकिदै गर्दा लुम्बिनी प्रदेशमा सत्तारुढ गठबन्धन छलफलमा जुटेका छन् । उनीहरुले चुनावी तालमेल र रणनीति बनाउन थालेका हुन् । मंसिर ४ गते हुने प्रतिनिधि तथा प्रदेशसभा निर्वाचनमा गठबन्धनलाइ मजबुत ढंगले लैजाने निर्णय गरेको हो  ।

शुक्रबार बुटवल १२ रहेको कांग्रेसको प्रदेश कार्यालयमा बसेको संयुक्त गठबन्धनको बैठकले स्थानीय तहको निर्वाचनमा सफल भएको निष्कर्ष निकाल्दै प्रतिनिधि तथा प्रदेशसभा चुनावका लागि अझै प्रभावकारी ढंगले अघि बढ्ने निर्णय भएको नेपाली काँग्रेस लुम्बिनी प्रदेश सभापति अमरसिंह पुनले बताउनुभयो ।

बैठकपछि जारी संयुक्त विज्ञप्तिमा गठबन्धनको तर्फबाट साझा उम्मेदवार तयार गर्न आ–आफ्नो पार्टीको तर्फबाट विस्तृत रिपोर्ट तयार गरेर पुनः बैठक बस्ने निर्णय भएको छ । लुम्बिनी मुख्यमन्त्री कुलबहादुर केसीको उपस्थितिमा बसेको बैठकले  गठबन्धनको तर्फबाट केन्द्रको निर्णय र निर्देशनलाई कार्यान्वयन गर्ने जनाएको छ ।

बैठकपछि नेपाली काँग्रेस लुम्बिनी प्रदेश सभापति अमरसिंह पुन, नेकपा (माओवादी केन्द्र) लुम्बिनी प्रदेश अध्यक्ष सुदर्शन बराल, जसपा लुम्बिनी प्रदेश अध्यक्ष अशोक यादव, नेकपा (एकीकृत समाजवादी) लुम्बिनी प्रदेश सचिव राजु गुरुङ र राष्ट्रिय जनमोर्चाका प्रतिनिधि बद्रे आलमद्वारा जारी हस्ताक्षरित प्रेस  विज्ञप्तिमा स्थानीय तह निर्वाचनको सन्दर्भमा निर्माण गरिएको प्रदेश र जिल्ला तहको संयुक्त संयन्त्र पुनः सक्रिय बनाउने निर्णय भएको हो ।

नागरिक अनलाइन

लेखकबाट थप

• शुक्रवार, श्रावण २७ २०७९०७:५६:४२

• Tags:

  # सत्तारूढ गठबन्धन # लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा