आइतवार, श्रावण ८ २०७९

लुम्बिनी डान्स आइकन : तिलोत्तमाको अडिशनमा ८० जना छनौट

नागरिक अनलाइन

1.6K

लुम्बिनी डान्स आइकन : तिलोत्तमाको अडिशनमा ८० जना छनौट

बुटवल,साउन ८ ।

नृत्य निर्देशक संघ लुम्बिनी प्रदेशको आयोजनामा जारी ‘लुम्बिनी डान्स आइकन–२०७९’ दोस्रो अडिशन तिलोत्तमामा सम्पन्न भएको छ । शनिबार तिलोत्तमा स्थित न्यू होराइजन कलेजमा अडिशन भएको हो ।

तिलोत्तमाको अडिशनमा पनि उत्साहजनक सहभागिता देखिएको नृत्य निर्देशक संघका अध्यक्ष लोकेन्द्र शाहले बताए । दोस्रो अडिशनमा १ सय ३२ जना विद्यार्थी सहभागी भएको र ८० जना दोस्रो चरणका लागि छनौट भएको उनले जनाए ।

दोस्रो चरणको छनौट एक समारोहका बीच आयोजना भएको थियो । नृत्य निर्देशक संघका अध्यक्ष लोकेन्द्र शाहको अध्यक्षता , राष्ट्रिय लोक तथा दोहोरी गीत प्रतिष्ठान लुम्बिनीका अध्यक्ष डिल्ली नारायण पाण्डेको प्रमुख आतथ्यितामा भएको समारोहमा संगीतकार सुरेश सेञ्चुरी, मनिष पन्थ लगाएतको आतिथ्यता रहेको थियो ।

प्रतियोगिताका लागि गत शनिबार बुटवलमा पहिलो अडिशन भएको थियो । एकल, जोडी तथा सामूहिक रुपमा प्रतिष्पर्धा रहने प्रतियोगिताका विजेताले एक लाख नगद पुरस्कार गर्ने प्रतियोगिताका संयोजक सुन्दर गुरुङले बताए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)