बुटवल,साउन ६ ।

प्रथम जन निर्वाचित प्रधानमन्त्री तथा नेपाली कांग्रेसका संस्थापक नेता वीपी कोइरालाको ४० औं स्मृति दिवस  शुक्रवार विभिन्न कार्यक्रमको आयोजना गरी मनाइएको छ ।

दिवसका अवसरमा नेपाली काँग्रेस बुटवल नगरसमितिले बुटवलको वीपीचोकमा रहेको शालिकमा माल्यार्पण गरेको छ ।
माल्यार्पणपछि कार्यक्रमलाई सम्वोधन गर्दै जिल्ला सभापति रामकृष्ण खांणले वीपीको सिद्धान्तलाई सबैले पालना गर्नुपर्नेमा जोड दिए ।

खांणले वीपीपथमा हिड्न सबै कार्यकर्ताहरुलाई निर्देशन दिए । तिलाेत्तमा नगरप्रमुख समेत रहेका उनले नेपाली राजनीतिका शिखर पुरुष विपी कोइरालाले देखाएको बाटोमा कांग्रेस हिंड्न सके उनीप्रति सच्चा श्रद्धाञ्जली हुने बताए ।

बुटवल नगरसभापति खेलराज पाण्डेयले आदर्श र मूल्यको राजनीति चीरकाल पर्यन्त स्मरणीय रहने उल्लेख गरे । बुटवल नगरप्रमुख समेत रहेका पाण्डेयले वीपीकै आदर्श अवलम्बन गरेर अघि बढ्ने बताए  । 

साे अवसरमा जिल्ला,प्रदेश,तथा नगरका कांग्रेस नेता तथा कार्यकर्ताको बाक्लाे उपस्थिति रहेको थियो । कार्यक्रमको संचालन नगर सचिव छाँया पाेखरेलले गरेका थिए ।

साहित्यकारको रुपमा समेत परिचित कोइराला प्रजातान्त्रिक समाजवादका प्रवर्तक मानिन्छन् । ४० बर्षअघि आजकै दिन साउन ६ गते वीपी कोइरालाको देहावसान भएको थियो ।

नागरिक अनलाइन

लेखकबाट थप

• शुक्रवार, श्रावण ६ २०७९०९:५२:५३

• Tags:

  # महामानव वीपी कोइराला # वीपीको ४० औं स्मृति दिवस # स्मृति दिवस

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...