शुक्रवार, आषाढ २४ २०७९

लुम्बिनी बौद्ध विश्वविद्यालय बुटवलका प्राध्यापकले दिए सामुहिक राजीनामा

नागरिक अनलाइन

3.3K

लुम्बिनी बौद्ध विश्वविद्यालय बुटवलका प्राध्यापकले दिए सामुहिक राजीनामा

बुटवल,असार २४।

लुम्बिनी बौद्ध विश्वविद्यालयको लुम्बिनी सिटी क्याम्पस बुटवलका प्राध्यापकहरुले सामुहिक राजीनामा दिएका छन् ।

प्रशासनिक संयोजक बलबहादुर पाण्डे, बिटिटिएम कार्यक्रम संयोजक मोहनलाल भण्डारी, मेघनाथ खनाल र कमल मरासिनीले सामुहिक राजीनामा दिएका हुन् ।

क्याम्पसले बिहिबार देखि साउन ५ गते सम्मको लागि विदा गरेर त्यहाँका उपप्राध्यापकहरुले बिहिबार नै सामुहिक राजीनामा गरेका हुन् ।

सिटी क्याम्पस बुटवलका संयोजक समेत रहेका उपप्राध्यापक पाण्डेले जारी गरेको सूचनामा वार्षिक विदाबाट मिलान हुनेगरी असार २३ गतेदेखि साउन ५ गतेसम्म विदा गरिएको उल्लेख गरिएको छ ।

राजीनामा गरेका उपप्राध्यापकहरुले विश्वविद्यालयका रजिष्टारलाई सम्बोधन गर्दै बुधबार नै सामुहिक राजीनामा गरेका हुन् । राजीनामा पत्रमा केही समयदेखि विद्यार्थी संगठनहरुको क्याम्पसमा अध्ययन गर्ने केही विद्यार्थीहरुले विभिन्न माग राखेर आन्दोलन गर्दै आएको र विद्यार्थीहरुको अपमानजनक गतिबिधिका कारण कार्यसम्पादन तथा अध्यापन गराउने वातावरण नभएकोले राजीनामा गरेको उल्लेख गरिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)