काठमाडौं,असार १२ ।

पर्यटन तथा नागरिक उड्डयन मन्त्री प्रेम आलेले एकीकृत समाजवादीका अध्यक्ष माधव नेपाललाई राजीनामा पत्र बुझाएका छन्। 

संसदीय दलको बैठक बोलाउनुपर्ने मागबाट हस्ताक्षर फिर्ता लिएका उनले पूर्व प्रतिबद्धता अनुसार अध्यक्ष नेपाललाई राजीनामा पत्र थमाएको उनी निकट स्रोतले जनाएको छ। 

उनीसँगै फिर्ता बोलाउने निर्णय गरिएका अन्य तीन मन्त्री भने अझै निर्णयमा पुगेका छैनन्। उनीहरुले छुट्टै छलफल गरिरहेको बुझिएको छ। 
 
स्वास्थ्य तथा जनसंख्या मन्त्री विरोध खतिवडा, शहरी विकास मन्त्री रामकुमारी झाँक्री र श्रम, रोजगार तथा सामाजिक विकास मन्त्री कृष्णकुमार श्रेष्ठले संसदीय दलको बैठक बोलाउनेसहित ८ वटा माग राखेका छन्। उनीहरुसँग हस्ताक्षर गर्ने १० मध्ये ६ जनाले फिर्ता लिइसकेका छन्। 

एकीकृत समाजवादीका अध्यक्ष नेपालले आइतबार बिहान आफूले मन्त्रीहरुको राजीनामा पत्र गोजीमा बोकेर हिँडेको अभिव्यक्ति दिएका थिए।

नागरिक अनलाइन

लेखकबाट थप

• आइतवार, आषाढ १२ २०७९०३:०५:२४

• Tags:

  # प्रेम आले # पर्यटन तथा नागरिक उड्डयन मन्त्री प्रेम आले # राजीनामा

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन