बुधवार, आषाढ ८ २०७९

रोल्पाको होस्टलमा किशोरी मृत फेला,सर्पले टोकेर मृत्यु भएको आशंका

नागरिक अनलाइन

1.2K

रोल्पाको होस्टलमा किशोरी मृत फेला,सर्पले टोकेर मृत्यु भएको आशंका

रोल्पा,असार ८ ।

सरकारी निकायले आयोजना गरेको ब्युटीपार्लर तालिममा सहभागी रोल्पाकी एक किशोरी होस्टलमा मृत फेला परेकी छिन् ।

जिल्लाको रुन्टिगढी गाउँपालिका-५ छिन्नेटाकी १७ वर्षीय कृष्णी बिक मृत फेला परेकी हुन । सदरमुकाम लिवाङ्ग स्थित घरेलु तथा साना उधोग कार्यालयले आयोजना गरेको ब्युटिपार्लर तालिममा गएकी उनी होस्टलमा सुतेको अवस्थामा मृत फेला परेको प्रहरीले जनाएको छ ।

रोल्पाका प्रहरी प्रमुख डिएसपी बिनोद घिमिरेका अनुसार होष्टलको कोठामा सर्प फेला परेको र औँलामा सानो घाउ देखिएकोले सर्पले टोकेर उनको मृत्यु भएको हो कि भन्ने आशंका गरिएको छ । तर मेडिकल रिपोर्ट न आए सम्म एकिन भन्न नसकिने उनको भनाइ छ । शव पोष्टमार्टमका लागि जिल्ला अस्पतालमा राखिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)