आइतवार, आषाढ ५ २०७९

धनगढी जाँदै गरेको बसका सहचालक खहरे खोलामा बेपत्ता

नागरिक अनलाइन

1.6K

धनगढी जाँदै गरेको बसका सहचालक खहरे खोलामा बेपत्ता

चितवन,असार ५ ।

चितवनको नारायणगढ–मुग्लिन सडकखण्डको खहरे खोलामा बसका सहचालक चिप्लिएर बेपत्ता भएका छन्।इच्छाकामना गाउँपालिका–५ स्थित खहरेखोलामा काठमाडौँबाट धनगढीतर्फ जाँदै गरेको ना६ख ७४६३ नम्बरको बसका सहचालक आज बिहान चिप्लिएर बेपत्ता भएका हुन्।

कैलालीको गोदावरी नगरपालिका बस्ने ३५ वर्षीय तेजबहादुर बोहोरा खहरेखोलामा बेपत्ता भएका जिल्ला प्रहरी कार्यालय चितवनले जनाएको छ।

बसबाट झरेर चाउचाउ किन्न गएका बोहोराको एउटा चप्पल फेला परेको प्रहरीले जनाएको छ । अहिले बोहोराको खोजीका लागि सशस्त्र प्रहरीको विपद् व्यवस्थापन तालिम शिक्षालय कुरिनटारको टोली परिचालन गरिएको छ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)