बुटवल,जेठ २७ । 

स्मृति बोर्डिङ् स्कुल शंकरनगरले बुटवल उपमहानगरपालिका वडा नं ३ का वडाध्यक्ष विष्णु ढकाललाई बधाईसहित सम्मान गरेकोे छ । विद्यालयका प्रबन्ध निर्देशक रहेका उनलाई एक समारोहबीच सम्मान गरिएको हो । बिहीबार सम्पन्न सम्मान समारोहमा बोल्दै वडाध्यक्ष ढकालले आफू जनताका हरेक सुखदुःखमा सामेल भएर वडाको विकास र उन्नतिमा सपर्पित हुने बताए ।

सानैदेखि समाजसेवामा रुचि रहेको बताउदै उनले जनताका मूलभूत समस्या आजसम्म सम्बोधन नभएकाले आफ्नो उम्मेदवारी दिएको र जनताले यसैका निम्ति जिताएको बताए ।

सो अवसरमा विद्यालयका अध्यक्ष उमाकान्त चापागाईं र प्रिन्सिपल हरि ज्ञवालीले शैक्षिक क्षेत्रका व्यक्ति ढकालले सामाजिक क्षेत्रमा उदाहरणीय कार्य गर्ने शुभेच्छा प्रकट गरेका थिए । शैक्षिक व्यक्तित्व तुलसीप्रसाद सापकोटाले जनताको पक्षमा उदाहरणीय कार्य गरेर उपनगरपालिकामा उत्कृष्ट बन्न सुझाव दिए  ।

विद्यालयका उपप्रार्चाय केशबहादुर गुरुङको स्वागत मन्तव्य र अतिरिक्त क्रियाकलाप प्रमुख उद्भव देवकोटाको सञ्चालनमा भएको कार्यक्रममा विद्यालय सञ्चालक विजय कुमारले कार्यक्रमको संयोजन गरेका थिए । वडाध्यक्ष ढकाल स्मृति बोर्डिङ् स्कुलका सञ्चालक, प्रबन्ध निर्देशक र शिक्षकसमेत थिए ।

नागरिक अनलाइन

लेखकबाट थप

• शुक्रवार, जेठ २७ २०७९०७:१०:१८

• Tags:

  # सम्मान # विष्णु ढकाल

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन