कपिलबस्तु,जेठ २१।

लुम्बिनी प्रदेश प्रमुख अमिक शेरचनले जनप्रतिनधीलाई जनताको जीवनस्तर परिवर्तनका लागि सेवा प्रवाह गर्न निर्देशन दिनुभएको छ ।  लुम्बिनी प्रदेश भित्रका स्थानीय तहका जनप्रतिनिधीहरुले समृद्ध लुम्बिनी निर्माणका लागि लाग्न निर्देशन गर्नुभयो । उहाँले जनताको जीवन स्तरका लागि जस्तो सुकै चुनौतीको सामना गरेर भए पनि काम गर्नका लागि अनुरोध गर्नुभयो । 
लुम्बिनी सरकारले आयोजना गरेको लुम्बिनी प्रदेशका १०९ स्थानीयतहका जनप्रतिनिधीहरुलाई बधाई तथा शुभकामना एवं शासन सञ्चालन सम्बन्धी अन्तक्रिया कार्यक्रममा कपिलबस्तुमा बताउनुभएको हो ।  

शेरचनले संविधानले स्थानीयत सरकार, प्रदेश, संघीय सरकारलाई संविधानले प्रदान गरेको अधिकारलाई पालना गर्दै सहकार्य, सहअस्थित्वको भावनालाई अगाडि बढाएको बताउँदै संविधानको पूर्ण पालना गर्दै जनताको सेवा गर्नका लागि अनुरोध गर्नुभयो । प्रदेश प्रमुख अमिक शेरचन जनताले दिएको मतको कदर गर्दै अर्को कार्यकालमा पनि जनताले फेरी निर्वाचित गराउने गरी काम गर्नका लागि आग्रह गर्दै भन्नुभयोस्–“सक्नुहुन्छ भने राम्रो काम गर्नुहोस् सक्नु हुन्न भने पनि जनताले खवरदारी गर्ने गरी काम नगर्नका लागि अनुरोध गर्नुभयो । 

शेरचनले संघ, प्रदेश, स्थानीयतहको सरकार मध्ये जनताको घर दैलोको सरकार स्थानीय सरकार भएकाले गर्दा जनतालाई सेवा प्रवाह गर्नका लागि अनुरोध गर्नुभयो । उहाँले जनप्रतिनिधीहरुले सधै आफ्नो स्थानीयतहका प्रतिनिधीहरुको सफल कार्यकालको शुभकामना व्यक्त गर्नुभयो । 

यस्तै कार्यक्रममा मुख्यमन्त्री कुलप्रसाद केसीले लुम्बिनी प्रदेशका १०९ स्थानीयतहलाई समन्वय गरी लुम्बिनी प्रदेशबासी जनताको जीवनस्तरलाई आमूल परिवर्तन गर्नका लागि अनुरोध गर्नुभयो । लुम्बिनी प्रदेश सरकार समृद्धि प्रदेश आत्मनिर लुम्बिनी बनाउनका लागि  प्रदेश सकरारका लागि रहेको बताउनुभयो ।

उहाँले जनताको सबैभन्दा तल्लो तहको सरकार स्थानीयतहरु नै भएकाले जनताको सुख, दुखमा साथ दिनका लागि अनुरोध गर्नुभयो । मुख्यमन्त्री केसीले प्रदेश सरकारले १०९ स्थानीयतहलाई समन्वय गरी अभिभाकत्व ग्रहण गर्दै अगाडि बढ्ने कुरामा सधँै दृढ रहेको बताउँदै लुम्बिनीका आम जनताको समस्या बुझेर प्रदेश सरकारलाई रिपोटिङ गर्ने र प्रदेश सरकारले त्यसलाई सम्वोधन गर्ने बताउनुभयो ।

कार्यक्रममा लुम्बिनी प्रदेश सभाका सभामुख पुर्णबहादुर घर्तीले जनताको जीवन स्तरमा आमूल परिवर्तनका लागि अगाडी बढ्नका लागि अनुरोध गर्दै जनताको प्रतिनिधीले सधै जनताप्रति उत्तदायित्वलाई पूरा गर्नका लागि अगाडी बढ्न अनुरोध गर्नभभयो ।

सभामुख पूर्ण घर्तीमगरले आफूले गरेमा सबैकुरा सम्भव हुने बताउँदै जनताको लागि नै अरोहरात्र काम गर्नका लागि अनुरोध गर्दै जनताले नै सत्तामा पुर्‍याएकोले सधै जनतालाई जीवन बदल्नका लागि अगाडि बढाउनुनका लागि अनुरोध गर्नुभयो ।

 सभामुख पूर्ण घर्तीमगरले समाज उन्मुख अर्थव्यवस्था निर्माण गर्नका सबैले ध्यान दिदैँ जनताको पुजी अर्थतन्त्र निर्माणका लागि सबै जनप्रतिधिीहरु एक हुनु पर्ने बताउनुभयो । नेपाल सरकारका पूर्व प्रमुख सचिव लिलामणी पौडेलले संघीयताको मर्म र भावनाको विकासलाई अगाडि बढाउँदै काम गर्नका लागि सबैलाई अनुरोध गर्नुभयो ।

कार्यक्रममा १०९ स्थानीय तहका प्रमुख तथा उपाध्यक्षहरुको सहभागीता रहेको थियो । कार्यक्रममा लुम्बिनी प्रदेशका प्रमुख सचिव डिल्लीराम शर्माले स्वागत गर्नुभएको थियो भने सञ्चालन सचिव नरेन्द्र रानाले गर्नुभएको थियो ।

नागरिक अनलाइन

लेखकबाट थप

• शनिवार, जेठ २१ २०७९०९:१५:१६

• Tags:

  # प्रदेश प्रमुख अमिक शेरचन

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान