सैनामैना,जेठ ७  ।

स्थानीय प्रहरी प्रशासनको ध्यान स्थानीय निर्वाचनको अन्तिम चरणको सुरक्षा व्यवस्थामा केन्द्रित भैरहेको बेला सैनामैनामा भने नदीजन्य पदार्थको चोरी तस्करी बढेको छ ।

शनिवार सालझण्डीको पहिलो खोलामा ढुंगा लोड गर्दै गरेको अवस्थामा  लु ३ त ७६४० नम्बरको ट्रयाक्टर नियन्त्रणमा परेपछि यो तथ्य बाहिर आएको हो ।

इलाका प्रहरी कार्यालय सालझण्डीका प्रहरी निरिक्षक जगन्नाथ मरासिनीले नदीबाट ढुंगा निकाल्न लागिरहेको अवस्थामा ट्रयाक्टर पक्राउ परेको बताउनु भयो ।

उहाँले पक्राउ गरिएको ट्रयाक्टर आवश्यक कारवाहीका लागि सैनामैना नगरपालिकामा पठाउने बताउनु भयो । 
उता सैनामैना नगरपालिकाका  राजस्व शाखा प्रमुख सन्तकुमार चौधरीले पक्राउ गरिएको ट्रयाक्टरलाई जरिवाना तिराउने बताउनु भयो । 
उहाँले खोलाबाट ट्रयाक्टर पक्राउ भएको अवस्थामा २५ हजार र बाहिरबाट पक्राउ भएको भए १५ हजार जरिवानाको व्यवस्था भएकोले सोही अनुसार जरिवाना गर्ने बताउनु भयो ।

रुपन्देहीको सैनामैना क्षेत्रबाट यसैगरी नदीजन्य पदार्थको दोहन, चोरी र तस्करी हुँदै आएको छ ।

नागरिक अनलाइन

लेखकबाट थप

• शनिवार, जेठ ७ २०७९१२:०१:०८

• Tags:

  # चोरी तस्करी # नदीजन्य पदार्थ # ट्रयाक्टर

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?