बुटवल,बैसाख १४ । 

रुपन्देहीको तिलोत्तमामा रहेको तिलोत्तमा कलेज प्रतिस्पर्धी जनशक्ति उत्पादनमा बलियाे देखिएको छ । विज्ञान र व्यवस्थापनमा लुम्बिनी प्रदेशमा नाम उचो बनाएको तिलोत्तमाले काठमाण्डौका नाम चलेका क्याम्पसलाई पनि पछि पारेको छ ।

यो वर्ष २५० जनाको लागि लिईएको एमबिबिएस ईन्ट्रान्स (प्रवेश परीक्षा)मा तिलोत्तमा कलेज अध्ययन गरेका १४ जना विद्यार्थीले पूर्ण छात्रबृत्तिमा नाम निकालेका छन् । त्यसमध्ये १२ जना खुल्लामा र बाँकी २ जना आरक्षण कोटाबाट हुन् । त्यसमध्ये पनि खुल्लाबाट नाम निकालेका दुईजना आठौं र नवौं र्याङ्कमा छन् ।

एमबिबिएस अध्ययनको लागि ईन्ट्रान्समा नाम निकाल्ने लुम्बिनी प्रदेशमा खुल्लाबाट १६ जना छन् । तिलोत्तमा कलेजका उपप्राचार्य नवेन्दु ढकालका अनुसार त्यसमध्ये १२ जना तिलोत्तमाका हुन् ।

त्यस्तैगरी ईजिनियरिङतर्फ तिलोत्तमा अध्ययन गरेका ५० जना बढीले पूर्ण छात्रबृत्तिमा नाम निकालेका छन् । ईञ्जिनियरिङ कलेज पुल्चोक सहित विभिन्न कलेजमा ५० जना बढीले पूर्णछात्रबृत्तिमा नाम निकाल्न सफल भएको तिलोत्तमा क्याम्पसका प्राचार्य प्राध्यापक डा. रामचन्द्र आचार्यले बताउनु भयो ।

त्यसैगरी प्यारामेडिकलमा १४ जना, एजी(एग्रिकल्चर), फरेष्टी, भेटेनरीमा ३६ जनाले पूर्ण छात्रबृत्तिमा नाम निकालेका छन् । त्यस्तै यही वर्ष कक्षा १२ को परीक्षामा पनि तिलोत्तमा कलेजका बिद्यार्थी नेपाल प्रथम भएका थिए । 

नागरिक अनलाइन

लेखकबाट थप

• बुधवार, बैशाख १४ २०७९०३:२९:१९

• Tags:

  # तिलोत्तमा कलेज # पूर्ण छात्रबृत्ति # एमबीबीएस

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?