बुटवल,बैसाख ११ ।

नेकपा एमालेले काठमाडौं महानगरपालिकाको मेयरमा केशव स्थापितलाई उम्मेदवार बनाउने निर्णय गरेको छ ।

एमाले सचिवालय बैठकले ५ महानगर र ९ उपमहानगरको उम्मेदवार टुंगो लगाएको हो । जसअनुसार काठमाडौं महानगरको मेयरमा स्थापित र उपमेयरमा सुनिता डंगोललाई उम्मेदवार बनाउने निर्णय भएको छ ।

उपमेयरको टिकट पाएकी डंगोलले भने मेयरमा स्वतन्त्र उम्मेदवारी दिने घोषणा गरेकी थिइन् । मिस नेवाः समेत रहेकी उनले चुनावी घोषणापत्र समेत सार्वजनिक गरेको अवस्थामा एमालेबाट उपमेयरको टिकट पाएकी हुन् ।

ललितपुरको मेयरमा हरिकृष्ण व्यञ्जनकार र उपमेयरमा मञ्जली शाक्यलाई उम्मेदवार बनाइएको छ ।पोखरा महानगरको मेयरमा दिपक पौडेल र उपमेयरमा मञ्जुदेवी गुरुङलाई उम्मेदवार बनाएको छ ।

भरतपुरमा विजय सुवेदीलाई मेयरको उम्मेदवार बनाउने निर्णय भएको छ । एमालेले उपमयरको उम्मेदवार टुंग्याएको छैन । 

एमालेले वीरगञ्ज महानगरको मेयरमा विजय सारबगीलाई उम्मेदवार बनाइएको छ ।  एमालेले उपमेयर भने चुनावी तालमेल गरेको लोकतान्त्रिक समाजवादी पार्टी लाई छाडेको छ ।

धनगढीको मेष्रमा रणबहादुर चन्द र उपमेयरमा कन्दकला राना थारुले टिकट पाएका छन् ।

नेपालगञ्जमा पशुपतिदयाल मिश्रलाई मेयर र शान्तिदेवी ढकाललाई उमपेयरको उम्मेदवार बनाइएको छ ।

तुलसीपुरको मेयरमा टिकाराम खड्का र उपमेयरमा स्यानी चौधरीलाई टिकट दिएको एमालेले घोराहीको मेयरमा भने नरुलाल चौधरीलाई फेरि उम्मेदवार बनाएको छ । 

एमालेले बुटवलको मेयरमा बाबुराम भट्टराइ र उपमेयरमा साबित्रादेवी अर्याल, हेटौंडाको मेयरमा अनन्त पौडेल र उपमेयरमा सुमित्रा काफ्लेलाई उम्मेदवार बनाएको छ ।

धरान उपमहानगरमा मञ्जु भण्डारीलाई मेयरको टिकट दिइएको छ । उनी वर्तमान उपमेयर हुन् । धरानको उपमेयरमा भने पदम लिम्बुलाई उम्मेदवार बनाएको एमालेले इटहरीको मेयरमा यामकुमार सुब्बा र उपमेयरमा संगिता चौधरीलाई टिकट दिएको छ ।

एमाले सचिवालयले कलैया उपमहानगरको मेयरमा विनोद साहलाई उम्मेदवार बनाउने निर्णय गरेको छ । 

नागरिक अनलाइन

लेखकबाट थप

• आइतवार, बैशाख ११ २०७९०७:५७:०२

• Tags:

  # नेकपा एमाले # उम्मेदवार # महानगर

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...