बुटवल  बैशाख १० ।

स्थानिय तहको निर्वाचनमा गुल्मीको धुर्कोट गाउँपालिकाको प्रमुखमा गठबन्धनबाट नेपाली कांग्रेसका नेता एवं महासमिति सदस्य महेन्द्र प्रसाद भण्डारी सर्वसम्मत चयन भएका छन् ।

२०३६ सालमा तत्कालिन विद्यार्थी नेता सुनिल श्रेष्ठको हातबाट सदस्यता लिएर लोकतान्त्रिक धारको राजनीतिमा होमिएका भण्डारी अहिलेसम्म सकृय राजनिती संगै समाजसेवामा होमिएका छन् ।

२०४२ सालमा नेविसंघ गुल्मीको सदस्यमा रहेका उनी २०५० सालमा रेसुङ्गा बहुमुखी क्याम्पसको स्ववियु सभापतिमा निर्वाचित भएका थिए । २०५२ सालमा भएको नेविसंघको सातौं महाधिवेशनमा सभापति बनेका भण्डारी २०५८ सालमा केन्द्रीय उपाध्यक्ष बनेका थिए ।

नेपाली कांग्रेसको दशौं महाधिवेशन देखि चौधौंसम्म उनी अनवरत महाधिवेशनमा निर्वाचित भएका थिए ।

नेपाल रेडक्रस सोसाइटी देखि विभिन्न सामाजिक संघ संस्था मार्फत समाजसेवामा होमिएका भण्डारी त्यस भेगमा चर्चित छन् । जसरी यस अघिको नेतृत्वले धुर्कोटको हितका निम्ति देश तथा बिदेशमा  चिनायो आफूले पनि कमी हुन नदिने र विकासलाई अझ बढी तिब्रता दिने कुरा अध्यक्ष पदका प्रत्याशी भण्डारीले बताए ।

सत्तारुढ दलको शुक्रबार सम्पन्न बैठलले भण्डारीलाई सर्वसम्मत गाउँपालिका अध्यक्षमा सिफारिस गरेको हो भने उपप्रमुखमा अझै टुंगो लागेको छैन ।

आफुले सत्तारुढ दलबाट टिकट नपाएपछी रुष्ट भएका अहिलेका पालिका प्रमुख भुपाल पोख्रेललाई एमालेले आफ्नो प्रमुखको पद खाली राखेर स्वतन्त्र भएर उठ्न आग्रह गरेको स्रोतले जनाएको छ ।

नागरिक अनलाइन

लेखकबाट थप

• शनिवार, बैशाख १० २०७९०८:१६:११

• Tags:

  # महेन्द्र प्रसाद भण्डारी

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग