बुटवल,बैशाख ८ ।

 राष्ट्रिय प्रजातन्त्र पार्टी ( राप्रपा) का अध्यक्ष राजेन्द्र लिङ्देनले जनताले आफैले भोट हालेका राजनीतिक दल र नेताका कारण दुख पाएको बताउनु भएको छ ।

भाग्यका कारणले जनताले दुख नपाएको उँहाले बताउँदै जनता आफैले भोट हालेर सत्तामा पुराएका   राजनीतिक दल र तिनका नेताका कारणले दुख पाएको बताउनु  भयो । आज बुटवलमा राप्रपाले आयोजना गरेको आमसभालाई सम्बोधन गर्दै  अध्यक्ष लिङ्देनले मतदाताले ठिक राजनीतिक दल र नेतालाई भोट नहाल्दा देश संकटमा परेको टिप्पणी गर्नुभयो ।  

राजाको पालामा २९ अर्ब रहेको विदेशी ऋण अहिले बढेर १७ खर्ब पुगेको उँहाले बताउँदै संघीयता आएपछि नेता र जनप्रतिनिधि पाल्नको लागि जनता माथि कर र विदेश ऋण थुप्रार्दै लगिएका बताउनु भयो  । देश बचाउने र देश बनाउने बाटोमा राप्रपा अघि बढेको अध्यक्ष लिङ्देनले बताउँदै देश र धर्म जोगाउनको लागि राप्रपा लाई तीन तहको निर्वानमा जिताउनको लागि आग्रह गर्नुभयो ।

स्थानीय तहको निर्वाचनमा कुनै गठबन्धनमा सामेलन नभई एक्लै चुनाव लड्ने लिङ्दनले बताउँदै जनताले जुन स्थान दिन्छन् त्यही स्थानमा बसेर सेवा गर्ने बताउनु भयो । राप्रपाले जित्ने स्थानीय तहमा भ्रष्ट्राचार लाई शून्य बनाउँने र  शिक्षा क्षेत्रको सुधारलाई पहिलो प्राथमिकता राखिने उँहाले बताउनु भयो ।

यस्तै राष्ट्रिय प्रजातन्त्र पार्टीले बुटवल उपमहानगरपालिकाको मेयरमा मृगेन्द्र शेरचनलाई उम्मेदवार बनाउने सोही  आमसभामा घोषणा गरेको छ । यस्तै सिद्धार्थनगर नगरपालिकामा सागर प्रताप राणा मेयरको उम्मेदवार घोषणा राप्रपाले गरेको छ ।

नागरिक अनलाइन

लेखकबाट थप

• बिहिवार, बैशाख ८ २०७९०७:१७:४१

• Tags:

  # राजेन्द्र लिङ्देन # राप्रपा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा