बुटवल,चैत्र १४ ।

बुटवल ११ मा रहेको प्रगतिनगर सामुदायिक विद्युत सहकारी संस्थाको दोस्रो अधिवेशनमा नेपाली कांग्रेसको प्यानल बिजयी भएको छ ।अध्यक्षमा जितबहादुर मल्ल बिजयी भए । उनले एमाले उम्मेदवार बीरबहादुर कुँवरको प्यानललाई पराजित गरे ।

 करिब १५ सय घरधुरी सदस्य रहेको सहकारीको चुनावमा १०३२ मत खसेकोमा कांग्रेसका मल्लले ५१४ मत ल्याएर विजयी हुँदा एमालेका कुँवरले ४७१ मत प्राप्त गरे ।

उपाध्यक्षमा राजकुमार तेली र कैलाश खड्गीले समान ४८२ मत ल्याए । सचिवमा मल्ल प्यानलकै गोपाल केसी ४८३ मतसहित विजयी हुँदा एमालेका घनश्याम पाण्डेले ४७८ मत पाए । कोषाध्यक्षमा मल्ल प्यानलका नारायण सारु ४९९ मतसहित विजयी हुँदा एमालेका कुलबहादुर रानाले ४६९ मत पाए ।

९ जना कार्यसमिति सदस्य र लेखा समिति संयोजक र सदस्य सहित तीन जना पनि मल्ल प्यानलकै उम्मेदवारहरु विजयी भएका निर्वाचन समितिका प्रमुख अधिवक्ता महेन्द्र पाण्डेले नागरिक अनलाइनलाई जानकारी दिए । आइतबार राति सम्पन्न मतगणनामा ९ मत बदर भएको उनले बताए ।

१७ हजार मतदाता रहेको यो वडालाई नेकपा एमालेले आफ्नो गढ दावी गर्दै आएको थियो । विजयी उम्मेदबारहरुले आज बुटवलमा बिजयी र्याली समेत निकालेका थिए ।

नागरिक अनलाइन

लेखकबाट थप

• सोमवार, चैत्र १४ २०७८०९:४९:१२

• Tags:

  # जित बहादुर मल्ल # प्रगतिनगर सामुदायिक विद्युत सहकारी संस्था

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग