बुटवल,चैत ९।

नेपाल डेरी एशोसीयसन लुम्बिनी प्रदेशको तेस्रो साधारण सभा तथा दोस्रो अधिवेसनबाट  अध्यक्षमा थानेश्वर न्यौपाने चयन भएका छन् ।

बुटवलमा आयोजना भएको प्रदेश अधिवेसनबाट उपाध्यक्षमा घनश्याम पौडेल, सचिवमा विवय सापकोटा, सह सचिवमा  कलम प्रसाद भुषाल चयन भएका छन् । यस्तै सदस्यहरुमा कृष्ण प्रसाद बस्याल, मिना कण्डेल,प्रकाश देवकोटा हरि, मान बहादुर बुढाथोकी, रविलाल पन्थ, नवराज सापकोटा, पवन भट्राई, सवित्रा भुषाल चयन भएका छन् ।

बुटवलमा आयोजना भएको साधारण सभा तथा अधिवेसन कार्यक्रममा राष्ट्रि दुग्ध विकास बोर्डका कार्यकारी अधिकृत  डा.राजेन्द्र प्रसाद यादव, कृषि खाद्य प्रविधि तथा भुमि व्यवस्था मन्त्रालयका पशुपंक्षि महाशाखा प्रमुख तुलसीराम भण्डारी, नेपाल डेरी एशोसीयनका केन्द्रीय महासचिव प्रल्हाद दाहाल, खाद्य प्रविधि तथा गुणस्तर नियन्त्रण कार्यालय भैरहवाका अधिकृत श्रवण कुमार ढुङ्गाना, नेपाल डेरी एशोसीयसनका केन्द्रीय पुर्व अध्यक्ष मेघराज भण्डारी, मानव अधिकार तथा शान्ति समाजका केन्द्रिय सभापति गाेबिन्द खनाल,बुटवल उद्योग बाणिज्य संघ का बरिष्ठ उपाध्यक्ष दिनेश कुमार श्रेष्ठ, रुपन्देही व्यापार संघका दिलिप सापकोटा, खुद्रा किरानाका  गोपाल प्रधान, रुपन्देही क्याटरिङ्ग तथा मिष्ठान्न व्यवसायीका लक्ष्मण पोखरेल लगायतले शुभकामना दिएका थिए ।

कार्यक्रममा नेपाल डेरी एशोसीयसन लुम्बिनी प्रदेश अध्यक्ष कृष्ण प्रसाद  भट्टराइको अध्यक्षता तथा  धर्मा पौडेलको सञ्चालनमा भएको थियो ।

दुग्धव्यसायीलाई सरकारले हेर्ने दृष्टिकोणमा परिर्वतन गर्न आवश्यक :

दुग्धव्यवसायीहरुले सरकारी निकायबाट आफुहरुलाई हेर्ने  दृष्टिकोण परिर्वतन गर्न माग गरेका छन् ।  किसानहरुको दुध बजारीकरण, बस्तु विविधिकरणमा विशेष जोड दिदै आएका डेरी व्यवसायीहरुले सरकारले सरकारी संयन्त्रको संरचनालाई करोडौंको अनुदान  दिँदा आफुहरुलाई भने हेलाको दृष्टिकोणबाट हेर्ने गरेको भन्दै यसमा एकरुपता ल्याउन माग गरेका हुन ।
नेपाल डेरी एशोसीयसन लुम्बिनी प्रदेशको बुटवलमा आयोजना भएको  तेस्रो साधारण सभा तथा दोस्रो अधिवेसनमा बोल्दै अधिकांस व्यवसायीहरुले सरकारले समान दृष्टिकोणबाट हेर्नुपर्ने माग गरे । 
कार्यक्रममा बोल्दै प्रमुख अतिथी राष्ट्रिय दुग्ध विकास बोर्डका प्रमुख कार्यकारी निर्देशक डा. राजेन्द्र कुमार यादवले किसानहरुसंग प्रत्यक्ष जोडीएको दुग्ध व्यवसायीहरु, डेरी व्यवसायीहरुको पक्षमा आफुले निरन्तर वकालत गर्दै आएको बताए । उनले आगामी दिनमा सरकारले  र बोर्डले गर्ने  कार्यक्रममा व्यवसायीलाई जोडेर जाने कुरामा आश्वासन समेत दिए । दुध अति संवेदनशिल पदार्थ भएको कारण यसको शुद्धतामा जो दिदै उनले गुणस्तर कायम राख्न आग्रह समेत गरे ।
कार्यक्रममा बोल्दै प्रदेशको कृषि, खाद्य प्रविधि तथा भुमि व्यवस्था महाशाखा प्रमुख तुलसीराम भण्डारीले दुधको विविधीकरणमा जोड दिदै प्रदेश सरकारले किसान, समुह सहकारी र दुग्ध व्यवसायीहरुलाई उत्पादनमा आधारित अनुदान वितरण गर्दै आएको बताए ।
यस्तै कार्यक्रममा बोल्दै नेपाल डेरी एशोसीयसनका केन्द्रीय महासचिव प्रल्हाद दाहालले सरकारले निजी क्षेत्र र सरकारी संरचनाको डिडीसीलाई हेर्ने दृष्टिकोणमा आकास पातालको फरक भएको भन्दै त्यसलाई सच्चाउनको लागि आग्रह गरे ।  उनले करोडौंको घाटा व्यहोर्ने डिडिसीलाई सरकारले अनुदान दिने र ऋण आपूर्ती गरिदिने तर कारोडौ लगानी लगाएका नीजी डेरी व्यवसायीहरुलाई कर्जामा समेत सहुलियत नदिने सरकारको दोधारे नीति परिर्वतनको खाँचो रहेको बताए । 
नेपाल डेरी एशोसीयसनका पुर्व केन्द्रीय अध्यक्ष मेघराज भण्डारीले  किसानको उत्पादन बजारीकरण गर्दै आएका व्यवसायीहरुलाई सरकारले सकारात्मक सोँचका साथ उच्च सम्मान गर्नुपर्ने बताए ।  उनले हाल पनि सरकारले कृषि जन्य बस्तु उत्पादनको लागि स्वदेशमा उद्योग सञ्चालन गर्दा आयात गर्ने उपकरणमा छुट दिनुपर्नेमा आलटाल गर्ने गरेको कारण उद्योग स्थापनामा समेत समस्या सृजना भएको बताए । 
कार्यक्रममा मानवअधिकार तथा शान्ती समाजका केन्द्रीय अध्यक्ष गोविन्द खनालले बोल्दै दुधको विविधिकरण आवश्यक रहेको भन्दै जनताको प्रत्यक्ष स्वाथ्यमा यसको ठुलो योगदान रहेकोले सही, उचित गुणस्तर मापन सहितको प्रयोग आवश्यक रहेको बताए ।
खाद्य प्रविधी तथा गुणस्तर मापनकार्यालय भैरहवाका खाद्य अधिकृत श्रवण कुमार ढुङ्गानाले दुधको शुद्धतामा विशेष ख्याल गर्न आग्रह गरे । बुटवल उद्योग बाणिज्य संघका बरिष्ठ उपाध्यक्ष दिनेश कुमार श्रेष्ठले दुधको विविधिकरण संगै गुणस्तरमा ख्याल गर्न आग्रह गरे ।
कार्यक्रममा संस्थाले गरेको कार्यक्रमबारेमा अध्यक्ष कृष्ण प्रसाद भट्टराई(खिम)ले कार्ययोजना प्रस्तुत गरेका थिए ।  कार्यक्रममा रुपन्देही व्यापार संघका दिलिप सापकोटा, खुद्रा किरानाका  गोपाल प्रधान, रुपन्देही क्याटरिङ्ग तथा मिष्ठान्न व्यवसायीका लक्ष्मण पोखरेल लगायतले शुभकामना दिएका थिए । कार्यक्रममा नेपाल डेरी एशोसीयसन लुम्बिनी प्रदेश अध्यक्ष कृष्ण प्रसाद भट्राईको अध्यक्ष  धर्मा पौडेलको सञ्चालनमा भएको हो । 

नागरिक अनलाइन

लेखकबाट थप

• बुधवार, चैत्र ९ २०७८०७:१२:१९

• Tags:

  # नेपाल डेरी एशोसिएसन

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान