बुटवल,फागुन २५ ।

हलिं नेवाः गुथिको १३ औ साधारण सभाको तयारी पुरा भएको छ । तिलोत्तमा मैचु पुचको आतिथ्यतामा हुने कार्यक्रमको सबै तयारी पुरा भएको मंगलबार पत्रकार सम्मेलन गरि आयोजक संस्था पुचका अध्यक्ष मिलन श्रेष्ठले बताईन् ।

बुद्ध जन्मस्थल लुम्बिनी, सामरिक महत्वको जितगढी किल्लामा भ्रमण गराउने गरि साधारण सभा गराउन लागेको उनले बताईन् । एकातर्फ पर्यटन प्रर्वद्धन र अर्कोतर्फ संस्थाको वार्षिक योजना बनाउने एउटा महत्वपुर्ण अवसर बुटवलमा जुरेको उनले बताईन् । वर्षभरि गरिने कार्यक्रमको समेत घोषणा सभामार्फत गरिने उनले बताईन् ।

फागुन २६ गते रुपन्देहीमा प्रभातफेरिबाट शुरु हुने कार्यक्रममा सरस्वती मन्दिर पुजा,दुर्गा मन्दिर लगायत र्याली हुने उनले बताईन् । देशभर १ सय १८ शाखाका ८ सय जना सहभागी हुने छन । तिलोत्तमा मैचु पुच ६६ शाखा हो । बुटवलमा ३ वटा शाखाहरु छन् । 

हलि नेवा गुठी, बुटवल पुच अध्यक्ष राजु श्रेष्ठले भाषा, संस्कृति जोगाउने र जातिय सहयोगका रुपमा स्थापना भएको भन्दै पवित्र काममा आफूहरुले लागेको बताए ।

साधारण सभामा विशेष नेवारी भोजको परिकार पनि खुवाउने उनले बताए । यसका लागि टिष्टुङ शाखाबाट ४५ जनाको टोलीले प्राविधिक सहयोग गर्ने छन। जसमा ८ आईटमको समयवजी र १७ वटा आईटम भएको भोज खुवाईने छ ।

कार्यक्रमको बुटवल उपमहानगरपालिका नगरप्रमुख शिवराज सुवेदीले उद्घाटन गर्ने कार्यक्रम रहेको छ । संस्थाको अमेरिका र कोरियामा समेत शाखा रहेका छन् ।

नागरिक अनलाइन

लेखकबाट थप

• बुधवार, फाल्गुण २५ २०७८०८:४०:२६

• Tags:

  # हलिं नेवाः गुथी

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान