बुटवल,असोज २९ -

बुटवलबाट प्रदेश राजधानी सार्न थालिएकाे भन्दै भएकाे सडक आन्दाेलनका क्रममा सरकारी स्कूटी जलाएकाे अभियाेगमा प्रहरीले ४ जना युवालाई पक्राउ गरेकाे छ ।

रुपन्देहीको तिलोत्तमा नगरपालिकाको नाममा रहेको लु १ ब २४७० नम्बरको स्कूटर जलाई आपराधिक उपद्रो गरेको अभियोगमा कारबाही अघि बढाइएको प्रहरीले जनाएको छ ।

निगरानीमा पर्नेहरुमा बुटवल-११ बुद्धनगरका भेषराज पोख्रेल, देविनगर बस्ने रोशन थापा, तिलोत्तमा नगरपालिका २ बस्ने सन्दिप पाण्डेय र गुल्मीको मालिका गाउँपालिका–८ घर भई बुटवलको लुम्बिनी वाणिज्य क्याम्पसका सुरज क्षेत्री रहेको बुटवल प्रहरीले जनाएको छ ।

दुइजना नियन्त्रणमा छन् भने अरुलाइ बयान लिएर तारेखमा छाेडेकाे छ ।

गत असोज १६ गते बुटवल–११ देविनगरको होराइजन चोकमा सरकारी स्कुटि जलाएकाे उनीहरुमाथि आराेप छ । चारैजनालाइ अपराधिक उपद्राेको मुद्दा दर्ता गरी कानूनी दायरामा ल्याई अनुसन्धान सुरु गरिएको प्रहरीले जनाएको छ ।

उता प्रहरीको स्कूटर रोक्ने  दुई जना युवालाई पक्राउ गरी प्रहरीले अनुसन्धान अगाडि बढाएको छ । पक्राउ पर्नेहरुमा देवदह नगरपालिका-४ का वसन्त रेग्मी र सोही ठाउँका वसन्त खास रहेका छन् । उनीहरुलाई सार्वजनिक शान्ति विरुद्धको कसुर मुद्दा दर्ता गरिएको प्रहरीले जनाएको छ ।

रुपन्देहीको देवदह-५, खैरेनी कचहरा पुल माथी बसन्त रेग्मी र भुवन खासुले डिउटीमा जाँदै गरेका प्रहरीको स्कूटर रोकी स्कूटी फुटाईदिउ भन्दै धाक धम्की समेत दिई जबरजस्ती लाईसेन्स बिलबुक माग्ने काम गरेको भन्दै प्रहरीले पक्राउ गरेको हो । 

• विद्यार्थी नेतामाथि चलाइएको मुद्धाप्रति नेविसंघकाे विरोध,झुट्टा मुद्धा फिर्ता नलिए फेरि आन्दाेलन चर्काउने चेतावनी !

नागरिक अनलाइन

लेखकबाट थप

• बिहिवार, आश्विन २९ २०७७०९:०२:४७

• Tags:

  # ईलाका प्रहरी कार्यालय बुटवल # लुम्बिनी प्रदेश # आन्दोलन # स्कुटरमा आगजनी # मुद्धा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा