मंगलवार, फाल्गुण ३ २०७८

तीनजना चढेको मोटरसाइकल बुटवलमा दुर्घटना ,२ जनाको मृत्यु एक घाइते

नागरिक अनलाइन

4.7K

तीनजना चढेको मोटरसाइकल बुटवलमा दुर्घटना ,२ जनाको मृत्यु एक घाइते

बुटवल,फागुन ३ ।

बुटवल-१२ मा मोटरसाइकल दुर्घटना हुँदा २ जनाको मृत्यु भएको छ । दुर्घटनामा माेटरसाइकल चालक घाइते भएका छन् ।

तीन जना चढेको लु ६० प ३६५२ नम्बरको मोटरसाइकल बुटवल उपमहानगरपालिका–१२ मा बिहान चार बजे अनियन्त्रित भएर पल्टिंदा मोटरसाइकलमा पछाडि बसेका गैडहवा गाउँपालिका ९ हात्तीबजारका २० वर्षीय प्रेम रुचाल र सोही ठाउँका २० वर्षीय राहुल थापाको मृत्यु भएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।

दुर्घटनामा गम्भीर घाइते भएका मोटरसाइकल चालक रुपन्देहीका २१ वर्षीय विमल रानाको सोही अस्पतालमा उपचार भइरहेको छ ।

दुबै जनाको उपचारको क्रममा बुटवलस्थित लुम्बिनी प्रादेशिक अस्पतालमा मृत्यु भएको हाे ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)