बुटवल,फागुन २ ।

नेपाली कांग्रेस रुपन्देहीले बैसाख ३१ मा हुने निर्वाचन केन्द्रित अभियान शुरु गरेको छ ।  पार्टी कार्यालय भैरहवामा सोमबार बसेको जिल्ला कार्यसमितिको बैठकले रुपन्देहीका सबै वडामा पार्टीको कार्यालय स्थापना गर्ने तथा टोल समिति गठन गर्ने निर्णय गरेको छ । 

फागुन मसान्तभित्र जिल्लाका १ सय ५५ वटै वडामा पार्टीका वडा कार्यालय स्थापना गर्ने र सबै टोलमा पार्टीको टोल समिति गठन गर्ने निर्णय भएको नेपाली कांग्रेस रुपन्देहीका सभापति रामकृष्ण खाँणले नागरिक अनलाइनलाई जानकारी दिए ।

बैठकमा नेपाली कांग्रेसका केन्द्रीय सदस्य अब्दुल रज्जाकको आतिथ्यतामा रहेको थियाे ।

शाहको संयोजकत्वमा अध्ययन समिति गठन :

त्यस्तै पार्टीका गतिविधि अनुगमन गर्नका लागि उपसभापति अनिता शाहको संयोजकत्वमा अध्ययन समिति समेत गठन भएको छ । उक्त समितिमा प्राध्यापक, शिक्षक, वकिल तथा पत्रकारसमेत रहने छन् ।

उक्त समितिले स्थानीय तहका लागि आकांक्षी र लोकप्रिय उम्मेदवारहरूको बारेमा समेत अध्ययन गर्ने कांग्रेस रुपन्देहीका सचिव हरि काफ्लेले जानकारी दिए ।

पार्टीले आगामी फागुन २२ मा सहिद यादवनाथ आलोक र रामप्रसाद चौधरीको स्मृतिमा रुपन्देही क्षेत्र नम्बर १ को सुरजपुरामा स्मृतिसभा एवं सहिद परिवार सम्मान कार्यक्रम गर्ने भएको जिल्ला सदस्य कमला पाण्डेले बताइन् ।

नागरिक अनलाइन

लेखकबाट थप

• सोमवार, फाल्गुण २ २०७८०६:१३:५१

• Tags:

  # रुपन्देही कांग्रेस # वडामा कांग्रेस # रामकृष्ण खाँण

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा