बुटवल,माघ २७ । 

रुपन्देहीको तिलोत्तमा नगरपालिकाले दायित्वसंग सुरु गरेको नगरप्रमुख ग्रामीण उद्यम द्रुतीकरण कार्यक्रममा उत्कृष्ट १० उद्यमी छनोट गरिएको छ ।

दायित्वले नगरपालिकासंगको सहकार्यमा सुरु गरेको उक्त कार्यक्रमका लागि गतवर्ष जस्तै यसवर्ष पनि १ सय २५ जना साना तथा घरेलु उद्यमीहरुले आवेदन दिएका थिए ।

६ महिना अघि आवेदन दिएका १ सय २५ लाई विभिन्न तालिम, उनिहरुले संचालन गरेको उद्यमको अनुगमन तथा मूल्यांकनको आधारमा उत्कृष्ट ४० र २० गर्दै विहिबार उत्कृष्ट १० उद्यमी छनोट गरिएको हाे  ।

दायित्वका लुम्बिनी प्रदेश संयोजक कमल थापाले तिलोत्तमा नगरपालिका भित्र उद्योग सञ्चालन गरेर उत्पादनमा महत्वपूर्ण योगदान पु¥याउदै आएकाहरुलाई प्रोत्साहन गर्ने र उद्यमशिलताको विकास गर्ने उद्देश्यले यसप्रकारको कार्यक्रम आयोजना गरिएको जानकारी दिनुभयो । थापाले उत्कृष्ट १० जनाबाट पनि एकजना उत्कृष्ट छनोट गरि १ लाख रुपैया पुरस्कार प्रदान गरिने जानकारी दिनुभयो ।

उत्कृष्ट १० उद्यमीलाई पनि जनही २५ हजारका दरले लगानीका लागि बिचकोष प्रदान गरिएको छ । उक्त कोष आफ्नो व्यवसायको कुन क्षेत्रमा लगानी गर्दा प्रतिफल धेरै प्रँप्त गर्न सकिन्छ प्राथमिकताको आधारमा सोहि क्षेत्रमा लगानी गर्नुपर्ने थापाले बताउनुभयो उत्कृष्ट १० उद्यमीमा छनोट हुनेहरुमा तिलोत्तमा १ मा थापा कृषि फर्मका सुमित्रा थापा दगामी, तिलोत्तमा १ कै शुभला अचार व्यवसायका कमला कुवंर केसी, मालिका व्यवसायिक पशुपालन फर्मका चक्र बहादुर खत्री, तिलोत्तमा २ को नवदुर्गा फुड ईण्डष्ट्रिजका मन्जु भुसाल र तिलोत्तमा ३ को नालन्दा हेण्डी क्राफ्टका केशरी थापा हुनुहुन्छ ।

त्यसैगरि तिलोत्तमा ७ को न्यू गण्डकी पशु फमर्का गुरुप्रसाद पंगेनी, तिलोत्तमा १० को पोखरेल पशुपालन फर्मका गणेश प्रसाद पोखरेल, वडा नं. १४ को गरार एकिकृत पशुपंक्षी तथा कृषि फर्मका कर्णमायां पुन, दाजुभाई पशुपंक्षी तथा कृषि फर्मका कर्ण बहादुर विक र वडा नं. १५ को पुन कृषि तथा पशुपालन फर्मका दिलीप कुमार पुन उत्कृष्ट १० उद्यमीमा छनोट हुनुभएको छ ।

तिलोत्तमा नगरपालिकाका निमित्त प्रशासकिय अधिकृत गंगाराम आचार्यले नगरपालिकाले उद्यमशील तिलोत्तमाको परिकल्पनासहित नगरप्रमुख ग्रामीण उद्यम द्रुतीकरण कार्यक्रम सञ्चालन गरिएको बताउनुभयो । तिनचार वटा चरणमा छनोट हुंदै उत्कृष्ट १० उद्यमी छनोट गरिएको र यसबाट पनि सर्वोत्कृष्ट छनोट गरिने भएकोले आफ्नो व्यवसायलाई अझै व्यवस्थीत बनाउन लाग्न उहांले आग्रह गर्नुभयो ।

नागरिक अनलाइन

लेखकबाट थप

• बिहिवार, माघ २७ २०७८०७:३९:५७

• Tags:

  # उत्कृष्ट १० उद्यमी # युवा उद्यमी # दायित्व

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग