बुटवल,माघ २२ ।

कपिलवस्तुको कृष्णनगर नगरपालिकाका नगरप्रमख रजत प्रताप शाह नेपाली कांग्रेसमा प्रवेश गर्ने भएका छन् । नगरप्रमख शाह शनिबार एक कार्यक्रमका बीच नेपाली कांग्रेसमा प्रवेश गर्न लागेका हुन् ।

 उनी सहित उनका सयाैँ समर्थक पनि नेपाली कांग्रेसमा गर्न लागेको स्रोतले जनाएको छ । उनलाई नेपाली कांग्रेस लुम्बिनी प्रदेश सभापति अमरसिंह पुन, महामन्त्री सुरेन्द्रराज आचार्य, कपिलवस्तु क्षेत्र नं ३ का सासंद अभिषेक प्रताव शाहले स्वागत गर्ने भोलि बहादुरगंज शाह भवनमा कार्यक्रम तय भएको छ ।

मेयर शाहसंगै वडा अध्यक्षहरु पनि प्रवेश गर्ने तयारी रहेको बुझिएको छ । २०७४ सालको स्थानीय तहको निर्वाचनमा स्वतन्त्रवाट कृष्णनगर नगरपालिकाको नगरप्रमुख पदमा विजयी हुनुभएका शाहको कांग्रेस प्रवेशलाई जिल्लामा महत्वपूर्ण निकै महत्वका साथ हेरिएको छ ।

कोभिड-१९ को कारण सामान्य तयारी गरेर पार्टी प्रवेश गराउने कांग्रेसले जनाएको छ ।

उनले फेसबुकमा लेखेका छन,- ‘मेरा प्यारा नगरबासी तथा नेपाली कांग्रेस पार्टीका वडा सभापति, नगर सभापति, क्षेत्रीय सभापति, भातृ संगठन, विभिन्न पदमा आसिन पदाधिकारी लगायत सम्पुर्ण क्रियाशिल सदस्यज्यूहरुमा मेरो जय नेपाल अभिवादन टक्रयाउँदै मिती २०७८/१०/२२ गते दिन शनिबार बिहान १० बजे बहादुरगंज आफ्नै आवासमा म रजत प्रताप शाह र मेरा हजारौं समर्थक एवं शुभचिन्तकसहित देशको सबभन्दा ठूलो लोकतान्त्रिक पार्टी नेपाली कांग्रेसमा प्रवेश कार्यक्रम रहेकोले सम्मानित सबैमा उपस्थितको लागि हृदयदेखि निमन्त्रणा गर्दछु ।’

नागरिक अनलाइन

लेखकबाट थप

• शनिवार, माघ २२ २०७८०९:३१:५९

• Tags:

  # नेपाली कांग्रेस # रजतप्रताप शाह

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान