बुटवल, माघ ९ ।

पछिल्लो २४ घन्टामा नेपालमा ६ हजार ४ सय ६२ जनामा कोभिड १९ संक्रमण पुष्टि भएको छ। परीक्षण दर घटेका कारण संक्रमणको संख्यामा पनि कम देखिएको हो।

कूल १७ हजार ४ सय ३७ जनाको परीक्षण गर्दा उक्त संख्यामा संक्रमित देखिएको हो। पीसीआर परीक्षण गर्दा ५ हजार ५ सय ९८ जनामा संक्रमण पुष्टि भएको हो भने ८ सय ६४ जनामा एन्टीजेन परीक्षणबाट। यससँगै नेपालमा संक्रिय संक्रमितको संख्या ७७ हजार ४० पुगेको छ।

हिजो शनिवार २० हजार १ सय ८७ जनामा परीक्षण हुँदा १० हजार २ सय ५४ जनामा संक्रमण पुष्टि भएको थियो। त्यसैगरी शुक्रवार २३ हजार ९२ जनामा परीक्षण गर्दा १० हजार ७ सय ३ जनामा पोजेटिभ देखिएको थियो। त्यसैगरी बिहीवार २७ हजार ४ सय ९७ जनाको परीक्षण गरिएको थियो। त्यसदिन १२ हजार ३ सय ३८ जनामा संक्रमण देखिएको थियो जुन अहिलेसम्मकै उच्च रेकर्ड हो।

पछिल्लो २४ घन्टामा यस अवधिमा ४ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ।  साथै १ हजार ४ सय १६ जना संक्रमण मुक्त भएका छन्। पछिल्लो २४ घन्टामा ४९ हजार ४ सय ७३ जनाले खोप लगाएको मन्त्रालयले जनाएको छ।

नागरिक अनलाइन

लेखकबाट थप

• आइतवार, माघ ९ २०७८०५:३२:०२

• Tags:

  # कोरोना भाइरस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा