बुटवल, पुस २७ ।

बुटवलमा जारी उजिरसिह रनिङ एकदिवसिय क्रिकेट प्रतियोगिता २०७८ अन्तरगत मंगलबार भएको खेलमा बाउन्न कला क्रिकेट एकेडेमी विजयी भएको छ ।

बुटवल क्रिकेट विकास समितिको आयोजना तथा बुटवल उपमहानगरपालिका, नगर खेलकुद विकास समिति रुपन्देही क्रिकेट संघको सहयोगमा जारी खेलमा गोलपार्क क्रिकेट क्लबमाथि ३२ रनले जित निकाल्दै बाउन्नकला क्रिकेट क्लब विजयी भएको हो । 
बुटवल नरेश्वर क्रिकेट मैदानमा भएको खेलमा खेलमा टस जितेर बाउन्नकोटीका ब्याट्सम्यानहरुले ४३ ओभरमा ६ बिकेटको नोक्सानीमा २ सय ३२ रनको लक्ष्य खडा गरेको थियो ।

उसका लागि भुवन गैरेले ६७ र कृष्ण भुषालले ४३ रनको योगदान दिएका थिए । गोलपार्कका कृष्ण सेनले र सुनिल पौडेलले समान ३–३ विकेट लिएका थिए ।

मध्यम लक्ष्य पछ्याएको गोलपार्कका ब्याट्सम्यानहरु ४१.२ ओभरमा केवल २ सय रनमा आलआउट भए । गोलपार्कका लागि मनिष क्षेत्रीले २३ तथा सुनिल पौडेलले ४७ बाहेक अन्य ब्याट्सम्यानहरुले दोहोरो अंकको रन जोड्न सकेनन । बाउन्नकलाका कृष्ण भुषाल र यम क्षेत्रीले समान ३–३ बिकेट लिएका थिए ।

खेलमा बाउन्नकलाका कृष्ण भुषाल म्याच अफ दी म्याचबाट पुरस्कृत भए । बुधबार जिआर क्रिकेट एकेडेमी र न्यु होराईजन क्रिकेट क्लबका बिचमा खेल हुने खेल संयोजक राजु राना बताए ।

प्रतियोगितामा बेष्ट्रन क्रिकेट क्लब, बेष्ट्रन क्रिकेट एकेडेमी, बुटवल युथ स्र्पोटस क्लब, जिआर क्रिकेट एकेडेमी, न्यु होराइृजन क्रिकेट क्लब, महाबिर क्रिकेट क्लब, बुटवल राईजोज क्रिकेट क्लब, बाउन्न कला क्रिकेट एकेडेमी, गोलर्पाक क्रिकेट क्लब र बुटवल ११ क्रिकेट क्लब गरि १० टिमले भाग लिएका छन ।

नागरिक अनलाइन

लेखकबाट थप

• मंगलवार, पौष २७ २०७८०८:०१:१७

• Tags:

  # उजिरसिह रनिङ क्रिकेट # क्रिकेट

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग