मंगलवार, पौष २७ २०७८

लायन्स स्टार्सद्वारा प्रयोगशाला उपकरण हस्तान्तरणका साथै स्वास्थ्य शिविर संचालन

नागरिक अनलाइन

2.7K

लायन्स स्टार्सद्वारा प्रयोगशाला उपकरण हस्तान्तरणका साथै स्वास्थ्य शिविर संचालन

बुटवल,पुस २७।

लायन्स क्लब बुटवल स्टार्सले गैडहवा गाउँपालिकामा रहेको शिवनगर आधारभुत स्वाथ्य सेवा केन्द्रमा प्रयोगशाला उपकरण प्रदान गरेको छ ।

क्लवले प्रयोगशालाका लागि आवश्यक पर्ने ल्याव ईक्वपमेन्ट, केमिकल राख्नको लागि फ्रिज, परिक्षण गर्नको लागि केमिकल सहित २ लाख रुपैयाँ बराबरको र १ लाख बराबरको औषधि सहयोग गरिएको हो ।

साथै क्लवले निःशुल्क स्वाथ्य शिविर समेत गरेको छ । आँखा परिक्षण, सुगर परिक्षण सहितसेवा ग्राहीहरुको स्वाथ्य परिक्षण गरिएको थियो । शिविरमा सहित २ सय ५० जनाको स्वाथ्य परिक्षण गरिएको क्लवले जनाएको छ ।

क्लवका अध्यक्ष अन्जील मियाँखानका अनुसार क्लवले स्वाथ्य परिक्षण सहित निःशुल्क औषधी समेत वितरण गरिएको हो । स्वाथ्य शिविरमा फिजिसियन चिकित्सक डा. नियम खान, सहित विभिन्न प्राविधिक समुह र स्टार्फ नर्स सहित प्रयोगशालाका प्राविधिकहरुले सेवाग्राहीहरुको स्वाथ्य परिक्षण गरेका थिए ।

संस्थाका संस्थापक सदस्य मानवहादुर श्रेष्ठले आमा स्व.भिम कुमारी श्रेष्ठको स्मृतिमा उपकरण सहयोग गरेका हुन । कार्यक्रममा गैडहवा गाउँपालिकाका अध्यक्ष बच्छुलाल केवट, गाउँपालिकाका प्रमुख प्रसासकीय अधिकृत चिरन्जीवी घिमिरे लायन्स क्लव ईन्टरनेशनल डिष्ट्रिक ३२५ वि २ नेपालका डिष्ट्रिक एजुकेटिभ चिफ अर्जुनमान शैजु, डिष्ट्रिक कोचिफ एड्भाईजर पुरुसोत्तम प्रधानांङ्ग, डिष्ट्रिक डिपुटि चिफ सन्दीप कसौधन, गैडहवा गाउँपालिका वडा नम्बर ९ का अध्यक्ष टेक बहादुर बलाल, एओजी आशिषकृष्ण श्रेष्ठ, रिजन चियर पर्सन एम एल पाण्डे, समाजसेवी विष्णु पोखरेल, स्व. भिमकुमारी श्रैष्ठका श्रीमान तिल कुमार श्रेष्ठ लगायतले आ आफ्नो धारणा राखेका थिए ।

कार्यक्रममा क्लवका संथापक सदस्य मानबहादुर श्रेष्ठको संयोजकत्वमा भएको हो । कार्यक्रमको सञ्चालन क्लवका सचिव राजन जिसीले गरेका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)