बुटवल,पुस २५ ।

नेपाली काँग्रेस रुपन्देही क्षेत्र नं. २ (क) मा नवनिर्वाचित नेतृत्वलाई पद हस्तान्तरण गरिएको छ । आईतबार बुटवलमा कार्यक्रमको आयोजना गरि पद हस्तान्तरण गरिएको हो । रुपन्देही २ (क) को सभापतिमा खड्गबहादुर महत निर्वाचित हुनुभएको थियो ।

उहाँलाई निवर्तमान सभापति माधवलाल देवकोटाले पद हस्तान्तरण गर्नुभएको हो । कार्यक्रममा बोल्दै नेपाली काँग्रेस लुम्बिनी प्रदेश सभापति अमरसिंह पुनले विधि र बपधानमा रहेर पार्टी गतिबिधि सञ्चालन गर्न आग्रह गर्नुभयो । पार्टी भित्र सुधार गर्नुपर्ने कुराहरु धेरै रहेको बताउंदै उहाले अधिकार प्राप्त भयो भन्दैमा जे मनलाइ नगर्न आग्रह गर्नुभयो । 

उहाँले प्रदेश समितिले योजना बनाएर पार्टीलाई व्यवस्थित गरिने बताउनुभयो । प्रदेश समितिले प्रदेशका ५२ वटै प्रदेश निर्वाचन क्षेत्रमा प्रतिनिधि खटाउने तयारी गरिएको बताउदै प्रदेश सभापति पुनले उहासंग समन्वय गरेर काम गर्ने वातावरण तयार गरिने जानकारी गराउनुभयो ।

त्यसअवसरमा नवनिर्वाचित सभापति खड्गबहादुर महतले पार्टीमा सबैलाई मिलाएर विधि बिधान अनुसार अगाडि बढ्ने प्रतिवद्धता व्यक्त गर्नुभयो ।

कार्यक्रममा रुपन्देही क्षेत्र नं. २ का क्षेत्रीय सभापति हरि लम्साल, बुटवल उपमहानगरपालिकाका सभापति खेलराज पाण्डेय, तिलोत्तमा नगर समितिका सभापति हरिलाल पाण्डे, बुटवल उपमहानगरपालिका वडा नं. ११ का सभापति जीतबहादुर मल्ल, तिलोत्तमा वडा नं. ३ की सभापति केशरी पाण्डे, निवर्तमान उपसभापति मुक्ति अधिकारी, राममाया पौडेल लगायतले शुभकामना व्यक्त गर्नुभएको थियो ।

नागरिक अनलाइन

लेखकबाट थप

• आइतवार, पौष २५ २०७८०८:४९:०३

• Tags:

  # काँग्रेस रुपन्देही क्षेत्र नं.२ # कांग्रेस रुपन्देही

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा