बुटवल,पुस १५ ।

युनिक साउण्ड भैरहवा र ओके मिडिया सिद्धार्थनगर, रुपन्देहीको आयोजना तथा सिद्धार्थ होटल एशोसियशन र उद्योग व्यापार संगठन, रुपन्देहीको सहकार्यमा भैरहवामा नमस्ते भैरहवा फूड फेस्ट हुने भएको छ ।

अंग्रेजी नयाँ वर्ष २०२२ को अवसरमा भैरहवास्थित विद्रोही चोक (उज्यालो चोक)मा उक्त कार्यक्रम आयोजना गर्न लागेको आयोजकले बिहीबार पत्रकार सम्मलेलन गरी जानकारी गराएको छ ।भैरहवामा केही गरौं भन्ने उद्देश्यले पुस १६ र १७ गते कार्यक्रमको आयोजना गरिने ओके मिडियाका सञ्चालक मनोरञ्जन शर्माले बताए ।

करिब ४–५ लाख खर्च हुने कार्यक्रममा २५ वटा बढी स्टल रहने उनले बताए । विभिन्न परिकार राखिएको स्टल तथा सांस्कृतिक कार्यक्रम रहने उनले बताए । सिद्धार्थ होटल एशोसियशनका अध्यक्ष चन्द्रप्रकाश श्रेष्ठले यहाँका स्थानीयलाई बाहिर जान नपरोस् भन्ने उद्देश्यले कार्यक्रम आयोजना गर्नु प्रशसंनीय रहेको बताए । उनले कार्यक्रममा आफ्नोतर्फबाट सहयोग गर्ने प्रतिवद्धता व्यक्त गरे ।

उद्योग व्यापार संगठन, रुपन्देहीका उपाध्यक्ष कृष्ण बहादुर गुरुङले भैरहवाबासीको लागि खुसीको खबर भएको बताए ।युनिक साउण्डका सञ्चालक रहिस खानले कार्यक्रममा चितवन, बुटवल र भैरहवाका कलाकारको प्रस्तुतीसंगै डिजे समेत रहने बताए ।लुम्बिनी प्रेस क्लबका संस्थापक अध्यक्ष माधव ढुंगानाले कार्यक्रमको सफलताको शुभकामना व्यक्त गरे ।

नागरिक अनलाइन

लेखकबाट थप

• बिहिवार, पौष १५ २०७८०७:५४:१३

• Tags:

  # फूड फेस्ट

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान