बुटवल,पुस १३ ।

मुख स्वस्थ राख्नको लागि सन्तुलित आहार र खानपानमा ध्यान दिन अवश्यक रहेको सरोकारवालाहरुले बताएका छन।

मुख स्वास्थ अभियान नेपाल तथा आधुनिक समाज डेण्टल केयर प्रालिको आयोजनामा सञ्चालित बर्तमान समयमा मुख स्वास्थ्य शिक्षाको आवश्यकता र महत्व विषयक अन्तरक्रिया कार्यक्रममा बोल्ने बक्ताहरुले शरिरका अन्य अंग जस्तै मुख स्वास्थ्यमा पनि ध्यान दिनुपर्ने बताएका हुन।

कार्यक्रममा बोल्दै प्रदेश स्वास्थ निर्देशनालय लुम्बिनी निर्देशक डा बिनोद गिरिले यस क्षेत्रमा मुख स्वास्थ र दातको उपचारको लागि ब्यवस्थापन गर्दै जाने बताएका छन।

उनले प्रदेशका सबै अस्पतालमा डेन्टिस्ट टिम रहेको बताउदै स्थानिय पालिका मतहतमा यो सेवा नरहेकोले यस्को ब्यवस्थापन गर्दै जाने बताए। उनले अभियानको रुपमा मुखमा लाग्ने रोगबाट कसरी वच्न सकिन्छ भन्नेमा ध्यान दिनुपर्ने बताए। उनले दातमा रहेका फोहोर बस्तुहरु निकाल्न गरिने ब्रसलाई राम्रोसँग गर्नुपर्ने बताए ।

उनले नियमित दात परिक्षण पनि गर्नुपर्ने बताए।कार्यक्रममा बोल्दै मुख स्वास्थ अभियान नेपालका संयोजक तथा आधुनिक समाज डेण्टल केयर प्रालिका अध्यक्ष अमृत भुषालले मुख स्वास्थ तथा दातको उपचार महँगो भएकोले रोग लाग्न नदिन आग्रह गरे । उनले सामान्य स्वास्थ्य सतर्कताले जटिल रोगबाट बचिने बताए ।

उनले यो शिक्षाको बारेमा सबैलाई थाहा नहुदा समस्या भएकोले प्रचार प्रसार आवश्यक रहेको बताए।कार्यक्रममा अहिले मुख स्वास्थक अवस्था विषयक कार्यपत्र प्रस्तुत गर्दै लुम्बिनी प्रादेशिक अस्पताल बुटवलकी प्रमुख कन्सलटेन्ट डेन्टल सर्जन तथा अर्थोडेन्टिक्स विभागिय प्रमुख डा. वर्षा थापाले फोक्सोपछि सबैभन्दा धेरै हुने क्यान्सर मुखकै हुने तथ्य बताईन।

उनले नेपालमा अझैपनी मुख स्वास्थको बारेमा जानकारी नभएकोले पनि प्रचारप्रसार अझै बढाउन आवश्यक रहेको बताइन।कार्यक्रममा बोल्दै उपभोक्ता हित संरक्षण समितीका ऋषि आजाद, एक्सिस कलेजका प्रीन्सिपल माधब पौडेल,कार्यक्रम संचालक माधव सापकोटा लगायतले बोलेका थिए ।

४ वटा बैंकसंग सम्झौता :

यसैबिच आधुनिक समाज डेन्टल केयर प्रालि बुटवल र विभिन्न ४ बैंक संग सम्झौता गरेको छ। । बिगत १७ वर्षदेखि दाँत, मुख, गिँजा सम्बन्धी सेवा दिँदै आएको आधुनिक समाज डेन्टल केयर प्रा लि ले एनएमबि बैंक, एनआइसी एसिया, कामना सेवा बिकास बैंक र शाईन रेसुङा बिकास बैंक संग सम्झौता गरेको हो।

सम्झौता अनुसार यी बैंकका कर्मचारीको उपचारमा १० देखि ५० प्रतिशतसम्म उपचारमा छुट दिने गरी ४ बैंकका बिचका सम्झौता भएको हो ।

सम्झौतामा आधुनिक समाज डेन्टल केयर प्रालिको तर्फबाट अध्यक्ष एवं प्रवन्ध निर्देशक अमृत भुसाल र शाईन रेसुङा बिकास बैंकका तर्फबाट नम्रता थापा, एनआइसी एसियाको सागर लम्साल, एनएमबि नवीन बिष्ट, कामना सेवा बिकास बैंकको तर्फबाट मोहनदत्त खनालले हस्ताक्षर गरे।

नागरिक अनलाइन

लेखकबाट थप

• मंगलवार, पौष १३ २०७८०८:१०:२७

• Tags:

  # क्यान्सर # मुख स्वस्थ

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान